തെന്നിന്ത്യയുടെ ലേഡി സൂപ്പർസ്റ്റാർ നയൻ‌താരയും സംവിധായകൻ വിഘ്നേഷ് ശിവനും തിരുപ്പതി തിരുമല വെങ്കിടേശ്വര ക്ഷേത്രത്തിൽ ദർശനം നടത്തി. ഇതിന്റെ വീഡിയോ സോഷ്യൽ മീഡിയകളിൽ വൈറലാകുന്നു. ദർശനത്തിനു ശേഷം ആരാധകർക്കൊപ്പം ഫോട്ടോകളെടുത്തശേഷമാണ് ഇരുവരും മടങ്ങിയത്.
ഇരുവരും പ്രണയത്തിലാണെന്ന വാര്‍ത്തകള്‍ ഗോസിപ്പ് കോളങ്ങളില്‍ ഇടംപിടിച്ചിട്ട് നാളുകളായി. അത് വ്യക്തമാക്കുന്ന കാഴ്ചയാണ് തിരുപ്പതിയിൽ കണ്ടത്. വിഘ്‌നേഷിന്റെ കൈ വിടാതെ പിടിച്ച് നടക്കുന്ന നയന്‍സിനേയും വീഡിയോയില്‍ കാണുന്നുണ്ട്. ഇവരുടെ ക്ഷേത്ര സന്ദര്‍ശനത്തിന്റെ വീഡിയോ ഇതിനകം തന്നെ തരംഗമായി മാറിക്കഴിഞ്ഞിട്ടുണ്ട്.
നാനും റൗഡി താന്‍ എന്ന ചിത്രത്തിനിടയിലാണ് വിഘ്‌നേഷും നയന്‍സും പ്രണയത്തിലാവുന്നത്. ആ സിനിമയില്‍ അഭിനയിക്കാനായി നയന്‍സ് സമ്മതിച്ചതോടെ തന്റെ ജീവിതവും കൂടിയാണ് മാറിമറിഞ്ഞതെന്നും അകത്തും പുറത്തും നന്മയുള്ളവളായി എന്നും നയന്‍സ് തുടരട്ടെയെന്നുമായിരുന്നു അടുത്തിടെ വിഘ്നേഷ് ശിവന്‍ കുറിച്ചത്.