2017ന്റെ അവസാനമിറങ്ങിയ ചിത്രമാണ് ആട് 2. മിഥുന്‍ മാനുവല്‍ തോമസ് സംവിധാനം ചെയ്ത ചിത്രം നിര്‍മിച്ചത് വിജയ് ബാബു ആയിരുന്നു. കഴിഞ്ഞ വര്‍ഷം ഇറങ്ങിയ മലയാള സിനിമകളില്‍ ഏറ്റവും വലിയ വിജയം കൈവരിച്ച സിനിമകളില്‍ ഒന്നായിരുന്നു ആട് 2.
ചിത്രത്തിന്‍റെ നൂറാം ദിനാഘോഷത്തില്‍ നിര്‍മതാവ് വിജയ് ബാബു തനിക്ക് എറ്റവും അധികം നന്ദി അറിയിക്കാനുള്ളത് ധര്‍മ്മജനോടാണെന്ന് അറിയിച്ചു. ആട് 2 വിലേക്ക് ധര്‍മ്മജന്‍റെ ഡേറ്റിനായി ചെന്നപ്പോള്‍ ധര്‍മ്മജന്‍ എട്ടോളം സിനിമകള്‍ ഏറ്റെടുത്തിട്ടുണ്ടായിരുന്നു. ധര്‍മ്മജന്‍റെ 40 ദിവസം വേണമായിരുന്നു ചിത്രികരണത്തിന്.
എന്നാല്‍ ധര്‍മ്മജന്‍ ആട് 2വിനായി നേരത്തെ കരാര്‍ ഏറ്റടുത്ത ആ എട്ട് സിനിമകളും അതിനുശേഷം വന്നതും ഉപേക്ഷിക്കുകയായിരുന്നുവെന്ന് വിജയ് ബാബു പറഞ്ഞു.