'ഈഗോ അടിച്ച് കാണും': ചേർത്ത് പിടിക്കാൻ ചെന്ന ദുൽഖറിന്റെ കൈ തട്ടിമാറ്റി വിജയ്?

ഡിക്യുവിനോളം ക്രൈഡ് പുള്ളറായിട്ടുള്ള ഒരു യുവതാരം ഇന്ന് മലയാളത്തിൽ വേറെയില്ല. തമിഴ്, തെലുങ്ക്, ഹിന്ദി തുടങ്ങിയ ഭാഷകളിലും ദുൽഖർ സജീവമാണ്. നായകനായ ചിത്രങ്ങൾ തന്നെയാണ് ഇവിടെ റിലീസ് ആകുന്നത്. ഇപ്പോഴിതാ തെലുങ്ക് യുവ സൂപ്പർ താരം വിജയ് ദേവരകൊണ്ടയ്ക്കൊപ്പമുള്ള ദുൽഖർ സൽമാന്റെ ഒരു വീഡിയോയാണ് സോഷ്യൽ മീഡിയയിൽ വൈറലാകുന്നത്. 

ദുൽഖർ സൽമാന്റെ ഏറ്റവും പുതിയ റിലീസായ ലക്കി ഭാസ്കറിന്റെ പ്രി റിലീസ് ഇവന്റിൽ നിന്നുള്ളതാണ് വീഡിയോ. ഇവന്റിൽ പങ്കെടുക്കാൻ വിജയ് ദേവരകൊണ്ടയും എത്തിയിരുന്നു. ഇവരുടെ ഒരു വീഡിയോ ആണ് വൈറൽ ആകുന്നത്. ഇരുവരും ഒരുമിച്ചാണ് സദസിലെ സീറ്റിൽ നിന്നും എഴുന്നേറ്റ് വേദിയിലേക്ക് നടന്ന് കയറിയത്. ഇരുവരും ഒരുമിച്ച് എഴുന്നേറ്റ് നടക്കാൻ തുടങ്ങുന്നതിനിടയിൽ ദുൽഖർ വിജയ് ദേവരകൊണ്ടയുടെ കയ്യിൽ പിടിക്കാൻ ശ്രമിക്കുന്നത് കാണാം. എന്നാൽ ഉടനടി വിജയ് ഡിക്യുവിന്റെ കൈ തട്ടി മാറ്റി നീങ്ങി നടന്നു.

വീഡിയോ വൈറലായതോടെ കമന്റ് ബോക്സിൽ വിജയിയെ പരിഹസിച്ചും ആക്ഷേപിച്ചും നിരവധി ആളുകൾ രംഗത്തെത്തി. ഡിക്യുവിനെ മനപൂർവം വിജയ് അപമാനിച്ചുവെന്ന തരത്തിലാണ് കമന്റുകൾ. വിജയ് ദേവരകൊണ്ട ചെയ്തത് മോശമായിപ്പോയി... ഡിക്യുവിനെ കണ്ട് ഈ​ഗോ അടിച്ചിട്ടാണ് കൈ തട്ടി മാറ്റിയത്?, കൈ തട്ടി മാറ്റിയത് മോശം പ്രവൃത്തി എന്നൊക്കെയാണ് കമന്റുകൾ.