ഗീതു മോഹന്‍ദാസിന്റെ സംവിധാനത്തില്‍ യാഷ് നായകനാകുന്ന ടോക്‌സിക്കിന്റെ ഷൂട്ടിംഗ് ആരംഭിച്ചു. ചിത്രീകരണം ബാംഗ്ലൂരിലാണ് ആരംഭിച്ചത്. ചിത്രത്തിന്റെ ഓരോ അപ്‌ഡേറ്റുകളും സോഷ്യല്‍ മീഡിയയില്‍ വൈറല്‍ ആവുകയാണ്. ടോക്‌സിക് നിര്‍മ്മിക്കുന്നത് കെവിഎം പ്രൊഡക്ഷന്റെ ബാനറില്‍ വെങ്കട്ട് കെ നാരായണയും മോണ്‍സ്റ്റര്‍ മൈന്‍ഡ് ക്രിയേഷന്‍സും ചേര്‍ന്നാണ്. യാഷിന്റെ 19മത്തെ സിനിമയാണ് ടോക്‌സിക്.
കെജിഎഫ് തീയേറ്ററുകളില്‍ എത്തിയിട്ട് 844 ദിനങ്ങള്‍ പിന്നിടുമ്പോഴാണ് ടോക്‌സിന്റെ ചിത്രീകരണം ആരംഭിക്കുന്നതെന്ന പ്രത്യേകതയും ഉണ്ട്. ചിത്രത്തില്‍ യാഷിനൊപ്പം മറ്റാരൊക്കെയാണുള്ളതെന്നതിനെ കുറിച്ചുള്ള കൂടുതല്‍ വിവരങ്ങള്‍ വന്നിട്ടില്ല.
