ചരിത്രം ആവർത്തിക്കാൻ ദുൽഖറും പ്രണവ് മോഹൻലാലും!

പ്രണവ് മോഹൻലാലും ദുൽഖറും ഒന്നിക്കുന്ന സിനിമ! - പക്ഷേ ഒരു നിബന്ധന ഉണ്ട്!

മലയാളത്തിന്റെ യൂത്ത് ഐക്കൺ ദുൽഖർ സൽമാനും പ്രണവ് മോഹൻലാലും ഒന്നിക്കുന്ന സിനിമ എന്നെങ്കിലും സാധ്യമാകുമോ എന്ന് ആരാധകർ ഉറ്റുനോക്കുന്നു. ദുൽഖർ തന്നെ വെളിപ്പെടുത്തുകയാണ് ഇക്കാര്യം. പ്രണവിനൊപ്പം ഒരു സിനിമ ഉണ്ടാകുമെന്ന് ദുൽഖർ ഉറപ്പ് നൽകുകയാണ്.  

'ആ സിനിമയുടെ ആശയവും കഥയും തിരക്കഥയും ഞങ്ങള്‍ക്ക് രണ്ടുപേര്‍ക്കും ഇഷ്ട്ടമാകണമെന്നു മാത്രം. അത്തരം ഒരു സിനിമയെ പ്രേക്ഷകരെ പോലെ തന്നെ ഞങ്ങളും കാത്തിരിക്കുകയാണെന്ന് ദുൽഖർ ഒരു ചലച്ചിത്ര വാരികയ്ക്ക് നല്‍കിയ അഭിമുഖത്തിൽ വ്യക്തമാക്കുന്നു. തന്റെ സ്വപ്ന സിനിമയാണിതെന്നും ദുൽഖർ പറയുന്നു. 

പറ്റുന്നത്ര കാലം സിനിമയില്‍ നില്‍ക്കുക എന്ന് തന്നെയാണ് തന്‍റെ ആഗ്രഹം എന്നും ദുൽഖർ പറയുന്നു. ഇനിയും ഒരുപാട് വ്യത്യസ്ഥതയുള്ള കഥാപാത്രങ്ങല്‍ക്കായി കാത്തിരിക്കുന്നുവെന്നും താരം പരയുന്നു. മമ്മൂട്ടിയും മോഹൻലാലും നിരവധി ചിത്രങ്ങളിൽ ഒന്നിച്ചഭിനയിച്ചിട്ടുണ്ട്.