മോഹൻലാലിനോട് കൊമ്പുകോർക്കാൻ ആമിർ ഖാൻ എത്തുന്നു! പിന്നിൽ അംബാനി?

മോഹൻലാലിന്റെ രണ്ടാമൂഴത്തോട് നേർക്കുനേർ മത്സരിക്കാൻ മഹാഭാരതയുമായി ബോളിവുഡിലെ സൂപ്പർ നായകൻ ആമിർ ഖാൻ എത്തുന്നു. 1000 കോടി എന്ന ഭീമമായ ബജറ്റിലാണ് ഈ സിനിമയും ഒരുങ്ങുന്നത്. ചിത്രം നിർമ്മിക്കുന്നത് മുകേഷ് അമ്പാനിയാണ് എന്ന റിപ്പോർട്ടുകളും പുറത്തുവരുന്നുണ്ട്. 

എന്നാൽ മഹാഭാരതയെക്കുറിച്ചുള്ള ഔദ്യോഗിക സ്ഥിരീകരണം ഇതേവരെ പുറത്തുവന്നിട്ടില്ല. ഒരേ കഥ രണ്ട് രീതിയിൽ പറയുന്ന വൻ ചിത്രങ്ങൾ എത്തുന്നു എന്നതിനപ്പുറം മോഹൻലാലും ആമിർ ഖാനും നേർക്കുനേർ എത്തുന്നു എന്നതും സാമൂഹ്യമാധ്യമങ്ങളിൽ വലിയ ചർച്ചകൾക്ക് തിരികൊളുത്തിയിരിക്കുകയാണ്.

എം ടിയുടെ രണ്ടാമൂഴം സിനിമായകുന്നു എന്നത് മലയാള സിനിമാ ലോകം ആവേശത്തോടെ കേട്ട വാർത്തയാണ്. ആയിരം കോടി ബജറ്റിൽ വ്യത്യസ്ത ഭാഷകളിൽ ചിത്രം എത്തും എന്ന വിവരം പിന്നാലെ എത്തി. എം ടി തന്നെ തിരക്കഥ ഒരുക്കുന്ന ചിത്രം ശ്രീകുമാര്‍ മേനോനാണ് സംവിധാനം ചെയ്യുന്നത്. സിനിമ പ്രഖ്യാപിച്ച ഉടനെ വിവാദങ്ങളും തലപൊക്കിയിരുന്നു.