നടൻ വിനയ് ഫോർട്ട് സോഷ്യൽ മീഡിയയിലൂടെ മമ്മൂട്ടിക്കൊപ്പമുള്ള കൗതുകമുണർത്തുന്ന ചിത്രം പങ്കുവെച്ചിരിക്കുകയാണ്. മമ്മൂട്ടി ജോസഫ് സ്റ്റാലിനായും വിനയ് ഫോർട്ട് ലെനിനായുളള എഡിറ്റ് ചെയ്ത ചിത്രങ്ങളാണ്. കൂടെ ഇരുവരുടെയും യഥാർത്ഥ ചിത്രങ്ങളും ഉണ്ട്.
അപ്പോൾ ചെഗുവേര എവിടെപ്പോയി എന്നാണ് ചിലർ ചോദിക്കുന്നത്. നടി ദിവ്യപ്രഭയും ചിത്രത്തിന് രസകരമായ മറുപടിയുമായി എത്തിയിട്ടുണ്ട്. വിപ്ലവ നായകന്മാരായ സ്റ്റാലിന്റെയും ലെനിന്റെയും ജീവിതത്തെ ആസ്പദമാക്കി സിനിമ ചെയ്യാനുള്ള ഒരുക്കമാണോ എന്നുമറിയില്ല.
ഏതായാലും സോഷ്യൽ മീഡിയയിൽ ചിത്രങ്ങൾ ശ്രദ്ധേയമാകുകയാണ്. വിനയ് ഫോർട്ടിൻറെ അടുത്തതായി പുറത്തുവരാനിരിക്കുന്ന ചിത്രം ചുരുളി ആണ്. ലിജോ ജോസ് പെല്ലിശ്ശേരി സംവിധാനം ചെയ്യുന്ന സിനിമയിൽ ചെമ്പൻ വിനോദും പ്രധാനവേഷത്തിലെത്തുന്നുണ്ട്.
അതേസമയം, ജയസൂര്യ നായകനായെത്തുന്ന വെള്ളം എന്ന സിനിമയുടെയും ഭാഗമാണ് വിനയ് ഫോർട്ട്.
