രജനികാന്തിന്റെ ചിത്രത്തില്‍ അഭിനയിക്കാന്‍ നയന്‍താര ഹൈദരാബാദില്‍, 'അണ്ണാത്തെ' ഷൂട്ടിംഗ് പുരോഗമിക്കുന്നു

രജനികാന്തിന്റെ 'അണ്ണാത്തെ' ചിത്രീകരണം വളരെ വേഗത്തില്‍ പുരോഗമിക്കുന്നത്. അടുത്ത രണ്ടാഴ്ചയ്ക്കുള്ളില്‍ ഷൂട്ടിംഗ് പൂര്‍ത്തിയാക്കാനാണ് നിര്‍മ്മാതാക്കള്‍ പദ്ധതിയിടുന്നത്. ഇപ്പോളിതാ നയന്‍താരയും രജനിക്കൊപ്പം ചേര്‍ന്നു. ഹൈദരാബാദ് ചിത്രീകരണത്തിനായി എത്തിയ നടിയുടെ ചിത്രങ്ങള്‍ സോഷ്യല്‍ മീഡിയയില്‍ വൈറലാണ്.

ഹൈദരാബാദിലെ റാമോജി ഫിലിം സിറ്റിയിലാണ് ചിത്രത്തിന്റെ ഷൂട്ടിംഗ്. സിനിമയിലെ തന്റെ അവസാന ഭാഗങ്ങളുടെ ചിത്രീകരണം നയന്‍താര പൂര്‍ത്തിയാക്കും. ഗ്രാമീണ പശ്ചാത്തലത്തില്‍ ഒരുങ്ങുന്ന ഫാമിലി എന്റര്‍ടെയ്നറാണ് ചിത്രം. മെയ് 10നകം ചിത്രീകരണം പൂര്‍ത്തിയാക്കും.

കീര്‍ത്തി സുരേഷ്, നയന്‍താര,മീന, ഖുശ്ബു, പ്രകാശ് രാജ്, സതീഷ്, സൂരി തുടങ്ങി വലിയ താരനിര തന്നെ സിനിമയിലുണ്ട്.സണ്‍ പിക്‌ചേഴ്‌സാണ് അണ്ണാത്തെ നിര്‍മ്മിക്കുന്നത്.കൃത്യമായി കോവിഡ് പ്രോട്ടോക്കോള്‍ പാലിച്ച് കൊണ്ട് രാത്രികാലങ്ങളിലും ചിത്രീകരണം ടീം നടത്തുന്നുണ്ടെന്നാണ് വിവരം.