'കാഞ്ചന 2' ലെ ഓപ്പണിംഗ് ഗാനത്തിലെ നൃത്തത്തിലൂടെ പ്രേക്ഷകരെ വിസ്മയിപ്പിച്ച രാഘവ ലോറന്‍സിന്റെ ഇളയ സഹോദരന്‍ എല്‍വിന്‍ കോളിവുഡില്‍ നായകനായി അരങ്ങേറ്റം കുറിക്കുന്നു. 2020-ല്‍ പ്രഖ്യാപിച്ച ചിത്രം ലോക്ക്ഡൗണ്‍ വന്നതോടെ വൈകുകയായിരുന്നു.
ഇപ്പോഴിതാ പൂജ ചടങ്ങുകളോടെ സിനിമ ആരംഭിച്ചു.ട്രൈഡന്റ് ആര്‍ട്സ് നിര്‍മ്മിക്കുന്ന ഈ ചിത്രം സംവിധാനം ചെയ്യുന്നത് പ്രശസ്ത സംവിധായകന്‍ കെ എസ് രവികുമാറാണ്.
മറ്റ് അഭിനേതാക്കളുടേയും അണിയറ പ്രവര്‍ത്തകരുടെയും വിവരം വൈകാതെ പുറത്തുവരും. രാഘവ ലോറന്‍സ് സഹോദരനെ 2020ല്‍ ഒരു ചിത്രം പ്രഖ്യാപിച്ചെങ്കിലും പിന്നീട് അപ്‌ഡേറ്റുകള്‍ ഉണ്ടായില്ല.ചിത്രം രാജ സംവിധാനം ചെയ്യുമെന്നും അന്ന് പറഞ്ഞിരുന്നു.
