ബാഹുബലിയിലെ ഭല്ലാൽദേവ എന്ന വില്ലൻ കഥാപാത്രത്തെ കയ്യടക്കത്തോടെ കൈകാര്യം ചെയ്ത റാണാ ദഗുപതി ഏറെ ശ്രദ്ധിക്കപ്പെട്ടിരുന്നു. രൂപം കൊണ്ടും അഭിനയംകൊണ്ടും ശബ്ദം കൊണ്ടും അദ്ദേഹം കഥാപാത്രത്തെ അനശ്വരമാക്കി. ഇപ്പോഴിതാ ഹോളിവുഡ് സിനിമയുടെ ഭാഗമാവുന്നു.
ഹോളിവുഡിലെ അവഞ്ചേഴ്‌സിലാണ് റാണ ദഗുപതി ഭാഗമാകുന്നത്. അവഞ്ചേഴ്സ്: ഇന്‍ഫിനിറ്റി വാര്‍ യൂണിവേഴ്‌സിന്റെ തെലുങ്ക് പതിപ്പില്‍ താനോസ് എന്ന പ്രധാന വില്ലൻ കഥാപാത്രം തെലുങ്കിൽ സംസാരിക്കുക. റാണയുടെ ശബ്ദത്തിലാവും.
ഡിസ്നി ഇന്ത്യയാണ് ചിത്രത്തിലെ വില്ലൻ കഥാപാത്രത്തിനു ശബ്ദം നൽകാനായി താരത്തെ സമീപിച്ചത്. റാണയുടെ ശബ്ദം കഥാപാത്രത്തിനു നൽകുന്നത് വഴി കൂടുതൽ പ്രേക്ഷകരെ തീയറ്ററിൽ എത്തിക്കാനാകും എന്നാണ് ഡിസ്നി ഇന്ത്യ കണക്കുകൂട്ടുന്നത്.
സൂപ്പര്‍ഹീറോസിന് ഏറെ വെല്ലുവിളിയായ താനോസ് എന്ന വില്ലന് ശബ്ദം നല്‍കുന്നതില്‍ ഏറെ ത്രില്ലിലാണ് താനെന്ന് റാണാ ദഗുപതി പറഞ്ഞു. സൂപ്പർ ഹീറോ സിനിമകൾ കണ്ടാണ് താൻ വളർന്നത് അതിനാൽ ചിത്രത്തിന്റെ ഭാഗമാകാൻ സാധിച്ചതിൽ സന്തോഷമുണ്ടെന്നും താരം വ്യക്തമാകി.
