മലയാള സിനിമയിലേക്കുള്ള തിരിച്ചുവരവ് ഗംഭീരമാക്കാന്‍ റോഷന്‍ ബഷീര്‍, പുത്തന്‍ ചിത്രം വരുന്നു !

ദൃശ്യത്തിനു ശേഷം തമിഴ്, തെലുങ്ക് ഭാഷകളിലെ സിനിമകളില്‍ റോഷന്‍ ബഷീര്‍ അഭിനയിച്ചിരുന്നു. ഇപ്പോഴിതാ വീണ്ടും മലയാളത്തിലേക്ക് തിരിച്ചെത്തുകയാണ് നടന്‍. നവാഗത സംവിധായകന്‍ എ ജെ രാജന്റെ വരാനിരിക്കുന്ന ചിത്രത്തിന്റെ ഷൂട്ടിംഗിലാണ് താരം.ഒരു മുസ്ലീം യുവാവായി റോഷന്‍ വേഷമിടുന്നു. ഗ്രാമീണ പശ്ചാത്തലത്തില്‍ ഒരുങ്ങുന്ന സിനിമയുടെ ചിത്രീകരണം പാലക്കാട് ആണ് നടക്കുന്നത്. റോഷനൊപ്പം രാഹുല്‍ മാധവും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

ഇതുവരെ പേരിടാത്ത ചിത്രത്തില്‍ മലയാള സിനിമയിലെ പ്രമുഖ താരങ്ങളും അണിനിരക്കുന്നു. ഇതുവരെ കാണാത്ത രൂപത്തിലായിരിക്കും താന്‍ ഈ ചിത്രത്തില്‍ എത്തുക എന്ന സൂചന റോഷന്‍ നല്‍കി. ഒരു ഗ്രാമത്തില്‍ ജീവിക്കുന്ന ചെറുപ്പക്കാരനായാണ് അദ്ദേഹം വേഷമിടുന്നത്. ഒരു കുടുംബ ചിത്രമായിരിക്കും ഇതെന്നും നടന്‍ പറഞ്ഞു.

ഒരു ഒ.ടി.ടി ചിത്രത്തിന്റെ ഷൂട്ടിങ്ങും റോഷന്‍ പൂര്‍ത്തിയാക്കി.