മൂന്നാം ഷെഡ്യൂള്‍ പൂര്‍ത്തിയായി,എമ്പുരാന്‍ ജോലികള്‍ വേഗത്തിലാക്കി പൃഥ്വിരാജ്, ഓണത്തിന് തിയറ്ററില്‍ കാണാം

L2: Empuraan

മലയാള സിനിമ ലോകം ഒരുപോലെ കാത്തിരിക്കുന്ന സീക്വലാണ് എല്‍ 2 എമ്പുരാന്‍. കഴിഞ്ഞവര്‍ഷം ഒക്ടോബറില്‍ ആണ് ചിത്രീകരണം ആരംഭിച്ചത്. വമ്പന്‍ ബജറ്റില്‍ ഒരുങ്ങുന്ന സിനിമ ഇരുപതോളം രാജ്യങ്ങളില്‍ ചിത്രീകരിക്കും. മൂന്നാമത്തെ ഷെഡ്യൂള്‍ യുഎസ്സില്‍ പുരോഗമിക്കുകയായിരുന്നു. ഇപ്പോഴിതാ അമേരിക്കന്‍ ഷെഡ്യൂള്‍ പൂര്‍ത്തിയാക്കിയെന്ന് സംവിധായകന്‍ പൃഥ്വിരാജ് അറിയിച്ചു.

ഓണത്തിന് റിലീസ് ചെയ്യാനാണ് പ്ലാന്‍ ചെയ്യുന്നത്. ഇതിന്റെ ഭാഗമായി ജോലികള്‍ വേഗത്തില്‍ തീര്‍ക്കാനാണ് നിര്‍മ്മാതാക്കള്‍ ശ്രമിക്കുന്നത്. ചിത്രീകരണവും പോസ്റ്റ് പ്രൊഡക്ഷന്‍ ജോലികളും എമ്പുരാന്‍ ടീം വേഗത്തിലാക്കി എന്നാണ് കേള്‍ക്കുന്നത്.

ഹിന്ദി, തമിഴ്, തെലുങ്ക് എന്നീ ഭാഷകളിലായി ചിത്രം പ്രദര്‍ശനത്തിന് എത്തും.ആശിര്‍വാദ് സിനിമാസിനൊപ്പം തമിഴിലെ പ്രമുഖ നിര്‍മ്മാതാക്കളായ ലൈക്ക പ്രൊഡക്ഷന്‍സും ചേര്‍ന്നാണ് നിര്‍മ്മാണം.പൃഥ്വിരാജ്, ടൊവിനോ തോമസ്, മഞ്ജു വാര്യര്‍, ശശി കപൂര്‍, ഇന്ദ്രജിത്ത്, ബൈജു സന്തോഷ്, സാനിയ ഇയ്യപ്പന്‍ എന്നിവരെ കൂടാതെ വമ്പന്‍ താരനിര സിനിമയില്‍ അണിനിരക്കുന്നു.