Webdunia - Bharat's app for daily news and videos

Install App

ThugLife Review: പുതിയതൊന്നും പറയാനില്ലാത്ത ഔട്ട്‌ഡേറ്റഡ് മണിരത്‌നം, പ്രകടനങ്ങള്‍ കൊണ്ട് മികച്ച് നില്‍ക്കുമ്പോഴും നിരാശപ്പെടുത്തി തഗ് ലൈഫ്

അഭിറാം മനോഹർ
വ്യാഴം, 5 ജൂണ്‍ 2025 (12:37 IST)
നായകനെന്ന ഇന്ത്യന്‍ സിനിമയിലെ എക്കാലത്തെയും ക്ലാസിക് സിനിമയ്ക്ക് ശേഷം കമല്‍ഹാസനും മണിരത്‌നവും ഒന്നിക്കുന്ന സിനിമയെന്ന രീതിയില്‍ വലിയ പ്രേക്ഷക പ്രതീക്ഷയുള്ള സിനിമയാണ് മണിരത്‌നത്തിന്റെ തഗ് ലൈഫ്. ഇന്ത്യന്‍ സിനിമയിലെ മാസ്റ്റര്‍ ഡയറക്ടര്‍ക്കൊപ്പം കമല്‍ഹാസന്‍, തൃഷ, സിലമ്പരസന്‍, ജോജു ജോര്‍ജ്, അശോക് സെല്‍വന്‍ തുടങ്ങി വലിയ താരനിരയാണ് സിനിമയില്‍ അണിനിരക്കുന്നത്. സംഗീതത്തില്‍ റഹ്‌മാനും എത്തുന്നു. എന്നാല്‍ സിനിമയുടെ പിന്നണിയില്‍ ഇത്രയും വമ്പന്മാര്‍ അണിനിരന്നിട്ടും സിനിമയുടെ ആദ്യ പ്രതികരണങ്ങള്‍ വരുമ്പോള്‍ സമ്മിശ്ര പ്രതികരണമാണ് സിനിമയ്ക്ക് ലഭിക്കുന്നത്.
 
 
ശക്തമായ താരനിരയും അതിനൊത്ത പ്രകടനങ്ങളും സിനിമയിലുണ്ടെങ്കിലും പ്രേക്ഷകരുമായി കണക്റ്റ് ചെയ്യുവാന്‍ സിനിമയ്ക്ക് സാധിക്കുന്നില്ല എന്നതാണ് തഗ് ലൈഫിന്റെ പ്രധാന പോരായ്മ. കമല്‍ഹാസന്‍ ശക്തിവേല്‍ നായ്ക്കര്‍ എന്ന കഥാപാത്രമായി തകര്‍ത്താടുന്നുണ്ടെങ്കിലും കഥയിലെ വടക്കേ ഇന്ത്യന്‍ പശ്ചാത്തലവും കമല്‍ഹാസന്റെ നീളന്‍ മോണോലോഗുകളും ശരാശരി പ്രേക്ഷകനെ മടുപ്പിക്കുന്നുണ്ട്. സിലമ്പരശന്‍ ചില രംഗങ്ങളില്‍ കമല്‍ഹാസനെ തന്നെ മറികടക്കുന്നതും സിനിമയില്‍ കാണാനാവുന്നു. കമല്‍- സിലമ്പരസന്‍ പ്രകടനങ്ങള്‍ മികച്ചതാണെങ്കിലും പഴക്കം വന്ന അതേ കഥയും പശ്ചാത്തലവുമെല്ലാം പ്രേക്ഷകരെ നിരാശരാക്കുന്നു. നായകന് ശേഷം കമല്‍ഹാസന്‍- മണിരത്‌നം എന്നിവരൊന്നിക്കുമ്പോള്‍ പുതുതായൊന്നും പറയാനില്ല എന്നതിന് പുറമെ പഴയ ബോംബ് കഥ തന്നെ സ്‌ക്രീനില്‍ വരുന്നതും പ്രേക്ഷകരെ നിരാശപ്പെടുത്തുന്നു.സംഭാഷണ രംഗങ്ങളിലെ അതിഭാവുകത്വവും മാസിനും ക്ലാസിനും ഇടയില്‍ പെട്ട് സിനിമയുടെ ആഖ്യാനം നഷ്ടമാകുന്നതുമാണ് തഗ് ലൈഫിന്റെ പ്രധാന പോരായ്മ. കഥാഗതിയില്‍ കാര്യമായ സ്വാധീനം പുലര്‍ത്താന്‍ തൃഷയുടെ വേഷത്തിന് സാധിച്ചില്ലെന്ന പരാതിയും സിനിമ വരും ദിവസങ്ങളില്‍ കേള്‍ക്കുമെന്ന് ഉറപ്പാണ്. മികച്ച പ്രകടനങ്ങള്‍ കൊണ്ട് പ്രേക്ഷകരില്‍ മതിപ്പുണ്ടാക്കാന്‍ സാധിക്കുമ്പോഴും പുതുതായി പറയാന്‍ ഒന്നുമില്ലാതെയാകുന്ന തഗ് ലൈഫ് കമല്‍- മണിരത്‌നം ചേരുമ്പോള്‍ അത്ഭുതം നടക്കുമെന്ന പ്രതീക്ഷകളെയാണ് ഇല്ലാതെയാക്കുന്നത്. അല്ലാത്തപക്ഷം മോശമല്ലാത്ത സിനിമ കണ്ട സംതൃപ്തി പ്രേക്ഷകന് നല്‍കുകയും ചെയ്യുന്നു.
 
 

അനുബന്ധ വാര്‍ത്തകള്‍

വായിക്കുക

Mammootty: മെഗാസ്റ്റാറിന്റെ തിരിച്ചുവരവില്‍ ആവേശത്തോടെ ആരാധകര്‍; സെപ്റ്റംബര്‍ ആറിനു രാത്രി വിപുലമായ പരിപാടികള്‍

തുടക്കത്തില്‍ വിവാഹം ചെയ്യാന്‍ ഉദ്ദേശിച്ചിരുന്നുവെന്ന് വേടന്റെ അഭിഭാഷകന്‍; പിന്നീട് ബന്ധം വഷളായി

'ഇത് പത്തൊന്‍പതാം നൂറ്റാണ്ടോ'; വിചിത്ര നടപടിയുമായി ഗുരുവായൂര്‍ ദേവസ്വം, യുവതി കാല്‍ കഴുകിയതിനു പുണ്യാഹം

Dileep Case: പ്രതിഷേധവും സമരവും റീത്ത് വെയ്ക്കലും, മമ്മൂട്ടിയുടെ മുഖം കണ്ട് സങ്കടമായി: ദേവൻ

Honey Rose: അമ്മയുടെ പ്രസിഡന്റായി ഒരു സ്ത്രീ വരണമെന്നാണ് ആ​ഗ്രഹം: ഹണി റോസ്

എല്ലാം കാണുക

ഏറ്റവും പുതിയത്

ഇന്ത്യയെ വിടാതെ ട്രംപ്, ഉപരോധമേർപ്പെടുത്തണമെന്നും അധിക തീരുവ ഏർപ്പെടുത്തണമെന്നും യൂറോപ്പിനോട് ആവശ്യപ്പെട്ടു

India - China: ട്രംപ് തീരുവയിൽ ശത്രുത മറന്ന് ഇന്ത്യയും ചൈനയും, ന്യായമായ വ്യാപാരം ഉറപ്പാക്കാൻ ഒന്നിച്ച് നിൽക്കുമെന്ന് സംയുക്ത പ്രഖ്യാപനം

'ചൈനീസ് ഭീഷണിക്ക് വഴങ്ങുന്നു, മോദി സർക്കാരിന്റെ നട്ടെല്ലില്ലായ്മ'; രൂക്ഷ വിമർശനവുമായി കോൺഗ്രസ്

പാക് അധീന കശ്‌മീരിൽ 2 പാക് സൈനികരെ അജ്ഞാതർ വെടിവച്ച് കൊലപ്പെടുത്തി

സ്വപ്ന സുരേഷിന്റെ പരാതി; മുൻമന്ത്രി കടകംപള്ളി സുരേന്ദ്രനെതിരെ കേസെടുക്കണമെന്ന് ആവശ്യം

അടുത്ത ലേഖനം
Show comments