119 ദശലക്ഷം ഡോളര്‍ നല്‍കിയാണ് ഫ്രഞ്ചു താരത്തിനെ ലയണല്‍ മെസിക്കൊപ്പം ഗ്രൌണ്ടിറക്കാന്‍ ബാഴ്‌സ നീക്കം നടത്തുന്നത്. ചര്‍ച്ചകള്‍ വിജയം കണ്ടാല്‍ അടുത്ത സീസണ്‍ മുതല്‍ ഗ്രീസ്മാന്‍ കാറ്റാലന്‍ ക്ലബ്ബിലെത്തും.
ബാഴ്‌സിലോണ പ്രസിഡന്റ് ജോസഫ് മരിയാ ബാര്‍ത്തോമ ഗ്രീസ്മാന്റെ ഏജന്റുമായി മാസങ്ങള്‍ക്ക് മുമ്പ് ചര്‍ച്ച നടത്തി. ഉടന്‍ താരവുമായി സംസാരിക്കുമെന്നും വിഷയത്തില്‍ തീരുമാനം ഉടന്‍ ഉണ്ടാകുമെന്നും അദ്ദേഹം വ്യക്തമാക്കി.
അതേസമയം, ഗ്രീസ്മാന്‍ ബാഴ്‌സ ക്യാമ്പില്‍ എത്തുമെന്ന സുവാരസിന്റെ ട്വീറ്റ് ആരാധകര്‍ക്കിടയില്‍ വൈറലാകുകയാണ്.