സ്വന്തം തട്ടകമായ ക്യാമ്പ് നൗവില്‍ ബാഴ്‌സലോണയ്ക്ക് തകര്‍പ്പന്‍ ജയം. കോപ ഡല്‍റെ കപ്പില്‍ സെല്‍റ്റവിഗോയെ എതിരില്ലാത്ത അഞ്ച് ഗോളുകള്‍ക്കാണ് ബാഴ്സ തകര്‍ത്തത്. മെസ്സി ഇരട്ട ഗോള്‍ നേടിയ മത്സരത്തില്‍ സുവാരസ്സ്, ആല്‍ബ, ഇവാന്‍ റാക്റ്റിക്ക് എന്നിവര്‍ ഒരോ ഗോള്‍ വീതവും നേടി.
13-ാം മിനിറ്റിൽ മെസിയിലൂടെയാണ് ബാഴ്സ തങ്ങളുടെ അക്കൗണ്ട് തുറന്നത്. രണ്ടു മിനിറ്റിനുശേഷം മെസി വീണ്ടും ഗോൾ വല ചലിപ്പിച്ചു. ആദ്യ പാദത്തിൽ സെൽറ്റ വീഗോ ബാഴ്സയെ സമനിലയിൽ കുരുക്കിയിരുന്നു. രണ്ടാം പകുതിയിലെ തകര്‍പ്പന്‍ വിജയത്തോടെ ആകെ 6-1 എന്ന സ്കോറിനാണ് ബാഴ്സ ക്വാർട്ടറിലേക്കു മുന്നേറുന്നത്.
