Euro Cup 2024, Belgium vs Slovakia: യൂറോ കപ്പില്‍ അട്ടിമറി, ബെല്‍ജിയത്തെ തോല്‍പ്പിച്ച് സ്ലോവാക്യ
മത്സരത്തിലുടനീളം മികച്ച പ്രകടനമാണ് സ്ലോവാക്യ നടത്തിയത്
Euro Cup 2024, Belgium vs Slovakia: യൂറോ കപ്പില്‍ ബെല്‍ജിയത്തിനു തോല്‍വി. എതിരില്ലാത്ത ഒരു ഗോളിന് സ്ലോവാക്യയാണ് ബെല്‍ജിയത്തെ തോല്‍പ്പിച്ചത്. മത്സരത്തിന്റെ ഏഴാം മിനിറ്റില്‍ ഇവാന്‍ ഷ്രാന്‍സ് ആണ് സ്ലോവാക്യയ്ക്കു വേണ്ടി ഗോള്‍ നേടിയത്. ഫിഫ റാങ്കിങ്ങില്‍ മൂന്നാം സ്ഥാനത്താണ് ബെല്‍ജിയം. സ്ലോവാക്യ 48-ാം സ്ഥാനത്തും.
മത്സരത്തിലുടനീളം മികച്ച പ്രകടനമാണ് സ്ലോവാക്യ നടത്തിയത്. ബെല്‍ജിയം സ്‌ട്രൈക്കര്‍ റൊമേലു ലുക്കാക്കുവിലൂടെ ബെല്‍ജിയം രണ്ട് ഗോളുകള്‍ നേടിയതാണ്. എന്നാല്‍ വാര്‍ പരിശോധനയിലൂടെ രണ്ട് ഗോളുകളും നിഷേധിക്കപ്പെട്ടു. രണ്ടാം പകുതിയിലൂടനീളം ബെല്‍ജിയം ഗോള്‍ തിരിച്ചടിക്കാന്‍ ശ്രമിച്ചെങ്കിലും ലക്ഷ്യം കണ്ടില്ല.
ഗ്രൂപ്പ് ഇ പോയിന്റ് പട്ടികയില്‍ സ്ലോവാക്യ രണ്ടാം സ്ഥാനത്തെത്തി. യുക്രെയ്‌നെ ഏകപക്ഷീയമായ മൂന്നു ഗോളുകള്‍ക്ക് തകര്‍ത്ത റുമാനിയയാണ് ഗ്രൂപ്പില്‍ ഒന്നാമത്. ബെല്‍ജിയം മൂന്നാമതും യുക്രെയ്ന്‍ നാലാം സ്ഥാനത്തുമാണ്.
