ലോകകപ്പിലെ താരങ്ങളായ ലയണല്‍ മെസിയും കിലിയെന്‍ എംബാപ്പെയും ഉണ്ടായിട്ടും പി.എസ്.ജിക്ക് വീണ്ടും അടിതെറ്റി. ചാംപ്യന്‍സ് ലീഗ് ക്വാര്‍ട്ടര്‍ മോഹിച്ച് ഇറങ്ങിയ പി.എസ്.ജിയെ രണ്ടാം പാദത്തില്‍ എതിരില്ലാത്ത രണ്ട് ഗോളുകള്‍ക്ക് ബയേണ്‍ മ്യൂണിക് തോല്‍പ്പിച്ചു. ആദ്യ പാദത്തില്‍ എതിരില്ലാത്ത ഒരു ഗോളിന് ബയേണ്‍ ജയിച്ചിരുന്നു. രണ്ട് പാദത്തിലുമായി ബയേണിന്റെ ജയം എതിരില്ലാത്ത മൂന്ന് ഗോളുകള്‍ക്ക്. ഒരു ഗോള്‍ പോലും തിരിച്ചടിക്കാന്‍ സാധിക്കാതെ പി.എസ്.ജി. നാണംകെട്ടു.
രണ്ടാം പകുതിയിലാണ് ബയേണിന്റെ രണ്ട് ഗോളുകള്‍ പിറന്നത്. എറിക് ചൂപോ മോടിങ് 61-ാം മിനിറ്റിലും സെര്‍ജി ഗ്നാബ്രി 89-ാം മിനിറ്റിലും ഗോള്‍ നേടി. പി.എസ്.ജി താരങ്ങളുടെ പിഴവില്‍ നിന്നാണ് ബയേണിന്റെ ആദ്യ ഗോള്‍ പിറന്നത്. ലോകകപ്പിലെ നിഴല്‍ പോലും ആകാന്‍ മെസിക്കും എംബാപ്പെയ്ക്കും സാധിച്ചില്ല.
