ലോകത്തിലെ ആദ്യത്തെ രക്ത വിതരണമുള്ള ജീവനുള്ള ചര്‍മ്മം ലാബില്‍ വളര്‍ത്തി ഓസ്ട്രേലിയന്‍ ശാസ്ത്രജ്ഞര്‍
സ്വയം രക്തവിതരണം നടത്താന്‍ കഴിയുന്നതാണ് ഇത്. ഈ പുരോഗതി ത്വക്ക് രോഗങ്ങള്‍
ഓസ്ട്രേലിയന്‍ ശാസ്ത്രജ്ഞരുടെ ഒരു സംഘം ലോകത്തിലെ ആദ്യത്തെ പൂര്‍ണ്ണമായും പ്രവര്‍ത്തനക്ഷമമായ ലാബ് നിര്‍മ്മിത മനുഷ്യ ചര്‍മ്മം വികസിപ്പിച്ചു. സ്വയം രക്തവിതരണം നടത്താന്‍ കഴിയുന്നതാണ് ഇത്. ഈ പുരോഗതി ത്വക്ക് രോഗങ്ങള്‍, പൊള്ളല്‍, ഗ്രാഫ്റ്റുകള്‍ എന്നിവയ്ക്ക് മികച്ച ചികിത്സയ്ക്ക് വഴിയൊരുക്കിയേക്കാം. ക്വീന്‍സ്ലാന്‍ഡ് സര്‍വകലാശാലയിലെ സംഘം ഗവേഷകരാണ് സ്റ്റെം സെല്ലുകള്‍ ഉപയോഗിച്ച് മനുഷ്യ ചര്‍മ്മത്തിന്റെ ഒരു പകര്‍പ്പ് സൃഷ്ടിച്ചത്.
അതില്‍ രക്തക്കുഴലുകള്‍, കാപ്പിലറികള്‍, രോമകൂപങ്ങള്‍, ഞരമ്പുകള്‍, ടിഷ്യു പാളികള്‍, രോഗപ്രതിരോധ കോശങ്ങള്‍ എന്നിവ ഉണ്ട്. ആറ് വര്‍ഷമെടുത്ത് വികസിപ്പിച്ചെടുത്ത ഈ ചര്‍മ്മ മാതൃക, സോറിയാസിസ്, അറ്റോപിക് ഡെര്‍മറ്റൈറ്റിസ്, സ്‌ക്ലിറോഡെര്‍മ തുടങ്ങിയ കോശജ്വലനപരവും ജനിതകവുമായ ചര്‍മ്മ വൈകല്യങ്ങള്‍ക്കുള്ള ഗ്രാഫ്റ്റുകളും ചികിത്സകളും മെച്ചപ്പെടുത്താന്‍ സഹായിക്കുമെന്ന് പഠനം വെളിപ്പെടുത്തി.
