നിങ്ങളുടെ ഹൃദയത്തിന്റെ അവസ്ഥയെക്കുറിച്ച് ഇസിജി 30ശതമാനം വിവരങ്ങള്‍ മാത്രമേ നല്‍കുന്നുള്ളു, കൂടുതല്‍ അറിയാന്‍ ഈ ടെസ്റ്റുകള്‍ ചെയ്യണം
നിങ്ങളുടെ ഹൃദയാരോഗ്യത്തിന്റെ അവസ്ഥ അറിയാന്‍ നിങ്ങള്‍ക്ക് ആവശ്യമായ ഒരേയൊരു പരിശോധന ഇസിജി (ഇലക്ട്രോകാര്‍ഡിയോഗ്രാഫി) ആണോ
നിങ്ങളുടെ ഹൃദയാരോഗ്യത്തിന്റെ അവസ്ഥ അറിയാന്‍ നിങ്ങള്‍ക്ക് ആവശ്യമായ ഒരേയൊരു പരിശോധന ഇസിജി (ഇലക്ട്രോകാര്‍ഡിയോഗ്രാഫി) ആണോ? കാര്‍ഡിയോളജിസ്റ്റ് പറയുന്നതനുസരിച്ച്, നിങ്ങളുടെ ഹൃദയത്തിന്റെ യഥാര്‍ത്ഥ അവസ്ഥ അറിയാന്‍ ഒരു ഇസിജിയോടൊപ്പം മറ്റ് രണ്ട് പരിശോധനകളും നടത്തേണ്ടതുണ്ട്. നിങ്ങളുടെ ഹൃദയത്തിന്റെ അവസ്ഥ സാധാരണ നിലയിലായാലും അതിന്റെ യഥാര്‍ത്ഥ ചിത്രം നല്‍കാന്‍ ഇസിജിക്ക് കഴിയില്ല. നിങ്ങളുടെ ഹൃദയത്തിന്റെ അവസ്ഥയെക്കുറിച്ച് 20-30 ശതമാനം വിവരങ്ങള്‍ മാത്രമേ ഇസിജി നല്‍കുന്നുള്ളൂ. ഇതിന് പുറമെ രണ്ട് ശക്തമായ പരിശോധനകളുണ്ട്: ടിഎംടിയും ഇക്കോ കാര്‍ഡിയോഗ്രാഫിയും.
ട്രെഡ്മില്‍ ടെസ്റ്റ് (TMT) എന്നത് നിങ്ങള്‍ ഓടേണ്ട ഒരു മെഷീനാണ്, അത് ഒരു ECG യുമായി ചേര്‍ന്നാണ് ചെയ്യുന്നത്. ഒരു TMT മെഷീനില്‍, ഡോക്ടര്‍മാര്‍ ക്രമേണ അതിന്റെ വേഗതയും ചെരിവും വര്‍ദ്ധിപ്പിക്കുകയും രോഗിയുടെ ഹൃദയാവസ്ഥ അറിയാന്‍ തത്സമയ ECG രേഖപ്പെടുത്തുകയും ചെയ്യുന്നു. പരിശോധനയ്ക്കിടെ നെഞ്ചുവേദന അനുഭവപ്പെടുകയോ ഇസിജിയില്‍ ചില മാറ്റങ്ങള്‍ വരികയോ ചെയ്താല്‍, അത് ഒരു അപകട സൂചനയാണ്. സമ്മര്‍ദ്ദ സമയത്ത് നിങ്ങളുടെ ഹൃദയ പേശികള്‍ക്ക് ഓക്‌സിജന്‍ ലഭിക്കുന്നുണ്ടോ ഇല്ലയോ എന്ന് പരിശോധിക്കുക എന്നതാണ് ഈ പരിശോധനയുടെ ലക്ഷ്യം.
ഹൃദയത്തിന്റെ ഒരു അള്‍ട്രാസൗണ്ട് ആണ് ഇക്കോ കാര്‍ഡിയോഗ്രാഫി, അതിലൂടെ നമുക്ക് ഹൃദയത്തിന്റെ ചലനത്തെക്കുറിച്ച് അറിയാന്‍ കഴിയും.
ഇത് നമുക്ക് ഉള്ളില്‍ നിന്നുള്ള തത്സമയ ചിത്രങ്ങള്‍ കാണിക്കുന്നു. ഹൃദയത്തിന്റെ എജക്ഷന്‍ ഫ്രാക്ഷന്‍ അല്ലെങ്കില്‍ പമ്പിംഗ് ഫംഗ്ഷന്‍ അളക്കുക, ഹൃദയ വാല്‍വുകളുടെ അവസ്ഥ, ഹൃദയ അറയുടെ വലുപ്പം,ഹൃദയ അറയില്‍ എന്തെങ്കിലും പ്രശ്‌നമുണ്ടോ എന്ന് മനസ്സിലാക്കുക എന്നിവയാണ് ഇതിന്റെ പ്രവര്‍ത്തനം അല്ലെങ്കില്‍ ഉദ്ദേശ്യം.
