കാന്‍സറിന് പോലും കാരണമാകുന്ന വ്യാജ പനീര്‍; എങ്ങനെ ഒരു മിനുറ്റിനുള്ളില്‍ തിരിച്ചറിയാം

അതുകൊണ്ടാണ് ബിസിനസുകാര്‍ വ്യാജ പനീര്‍ നിര്‍മ്മിക്കുന്നതും.

ഇന്ത്യയില്‍ ഭക്ഷ്യവസ്തുക്കളില്‍ മായം ചേര്‍ക്കുന്നത് സാധാരണമാണ്. കഴിഞ്ഞ കുറച്ച് വര്‍ഷങ്ങളായി, പനീറില്‍ മായം ചേര്‍ക്കുന്ന നിരവധി കേസുകള്‍ പുറത്തുവന്നിട്ടുണ്ട്. പനീര്‍ വലിയ അളവില്‍ ഉപയോഗിക്കുന്ന ഒന്നാണ്. അതുകൊണ്ടാണ് ബിസിനസുകാര്‍ വ്യാജ പനീര്‍ നിര്‍മ്മിക്കുന്നതും. രാജ്യത്തെ ഭക്ഷ്യവസ്തുക്കളുടെ ഗുണനിലവാരം നിരീക്ഷിക്കുന്ന സംഘടനയായ എഫ്എസ്എസ്എഐ, കഴിഞ്ഞ ഒരാഴ്ചയ്ക്കിടെ രാജ്യത്തുടനീളമുള്ള വിവിധ സംസ്ഥാനങ്ങളില്‍ നടത്തിയ റെയ്ഡുകളില്‍ 4000-ത്തിലധികം വ്യാജ പനീറുകള്‍ പിടിച്ചെടുത്തു. 

അത്തരം പനീര്‍ ആരോഗ്യത്തിന് അപകടകരമാണ്, കൂടാതെ കാന്‍സര്‍ പോലുള്ള ജീവന്‍ അപകടപ്പെടുത്തുന്ന രോഗങ്ങള്‍ക്കും കാരണമാകും. വ്യാജ പനീര്‍ എങ്ങനെ തിരിച്ചറിയാമെന്നു നമുക്ക് നോക്കാം.ഇതിന് നിരവധി മാര്‍ഗങ്ങളുണ്ട്. എഫ്എസ്എസ്എഐ പ്രകാരം, പനീര്‍ ചെറുചൂടുള്ള വെള്ളത്തില്‍ ഇട്ട് കുറച്ച് തുള്ളി അയോഡിന്‍ ലായനി ചേര്‍ക്കുക. നിറം നീലയായി മാറിയാല്‍, അതില്‍ സ്റ്റാര്‍ച്ച് കലര്‍ന്നിരിക്കുന്നു, അതായത് അത് വ്യാജമാണ്. നിറം മാറിയില്ലെങ്കില്‍, പനീര്‍ യഥാര്‍ത്ഥമായിരിക്കാം.