ചൂടുകാലമായതിനാല്‍ വീട്ടിലിരിക്കാനും പുറത്തിറങ്ങാനും കഴിയാത്ത സ്ഥിതിയാണ്. ഇതിനോടൊപ്പം തന്നെയാണ് ചൂടുകുരുവിന്റെയും വരവ്. ചൂടുകൂടുമ്പോള്‍ വിയര്‍പ്പുഗ്രന്ഥികളില്‍ തടസം ഉണ്ടാകുകയും ഇതുമൂലം തൊലിപ്പുറത്ത് ചെറിയ കുരുക്കള്‍ ഉണ്ടാകുകയും ചെയ്യും. ഇതിന് പരിഹാരമായി കുരുക്കള്‍ വന്നഭാഗത്ത് തണുത്ത വെള്ളത്തില്‍ മുക്കിയ തുണി വയ്ക്കാം. അല്ലെങ്കില്‍ ഈ ഭാഗത്ത് തൈര് തേക്കാം.
ഇതിനുശേഷം പത്തുമിനിറ്റ് കഴിഞ്ഞ് കഴുകിക്കളയാം. അയഞ്ഞ കോട്ടണ്‍ വസ്ത്രങ്ങള്‍ ധരിക്കുന്നതും തണുത്തവെള്ളത്തില്‍ കുളിക്കുന്നതും ചൂടിനെ പ്രതിരോധിക്കാന്‍ സഹായിക്കും. കൂടാതെ വെള്ളവും പഴ വര്‍ഗങ്ങളും ധാരാളം കഴിക്കണം.
