കാര്‍ഡിയോളജിസ്റ്റ് പറയുന്നു: ഈ അഞ്ചുസപ്ലിമെന്റുകള്‍ നിങ്ങളുടെ ഹൃദയാരോഗ്യം മെച്ചപ്പെടുത്തും
നിങ്ങളുടെ ആരോഗ്യത്തെ പിന്തുണയ്ക്കുന്ന ചില സപ്ലിമെന്റുകള്‍ ഉണ്ടെന്നതില്‍ തര്‍ക്കമില്ല.
സപ്ലിമെന്റ് വ്യവസായം ഗുണത്തേക്കാളേറെ ദോഷം ചെയ്യുന്ന മരുന്നുകള്‍ വില്‍ക്കുകയും വിപണനം ചെയ്യുകയും ചെയ്യുന്നുണ്ടാകാം. എന്നിരുന്നാലും, നിങ്ങളുടെ ആരോഗ്യത്തെ പിന്തുണയ്ക്കുന്ന ചില സപ്ലിമെന്റുകള്‍ ഉണ്ടെന്നതില്‍ തര്‍ക്കമില്ല. സെപ്റ്റംബര് 26ന് ഇന്‍സ്റ്റാഗ്രാം പോസ്റ്റില്‍ കാര്‍ഡിയോളജിസ്റ്റ് എംഡി ഡോ. ദിമിത്രി യാരനോവ് ഹൃദയാരോഗ്യത്തെ പിന്തുണയ്ക്കുന്നതിനാല്‍ തന്റെ രോഗികള്‍ക്ക് ശുപാര്‍ശ ചെയ്യുന്ന 5 സപ്ലിമെന്റുകള്‍ പങ്കിട്ടു. അവ ഏതൊക്കെയാണെന്ന് നമുക്ക് നോക്കാം.
1. ഒമേഗ-3 ഫാറ്റി ആസിഡുകള്‍ (മത്സ്യ എണ്ണ)
ട്രൈഗ്ലിസറൈഡുകള്‍ കുറയ്ക്കാനും, രക്തസമ്മര്‍ദ്ദം കുറയ്ക്കാനും, അരിഹ്മിയ സാധ്യത കുറയ്ക്കാനും സഹായിക്കുമെന്ന് തെളിയിക്കപ്പെട്ടിട്ടുണ്ട്. മത്സ്യ എണ്ണയിലോ സാല്‍മണ്‍ പോലുള്ള കൊഴുപ്പുള്ള മത്സ്യങ്ങളിലോ ഇത് കാണപ്പെടുന്നു.
2. മഗ്‌നീഷ്യം
ഹൃദയ താളവും രക്തസമ്മര്‍ദ്ദവും നിയന്ത്രിക്കുന്നതിനുള്ള താക്കോല്‍. മെഗ്നീഷ്യത്തിന്റെ കുറവ് അരിഹ്മിയയ്ക്കും ഉയര്‍ന്ന ബിപിക്കും കാരണമാകും.
3. നാരുകള്‍ (സൈലിയം, ഓട്‌സ് ബ്രാന്‍)
ജലത്തില്‍ ലയിക്കുന്ന നാരുകള്‍ എല്‍ഡിഎല്‍ ('മോശം') കൊളസ്‌ട്രോള്‍ കുറയ്ക്കുകയും ഹൃദ്രോഗ സാധ്യത കുറയ്ക്കുകയും ചെയ്യുന്നു.
4. പൊട്ടാസ്യം
സോഡിയം സന്തുലിതമാക്കുകയും രക്തസമ്മര്‍ദ്ദം നിയന്ത്രിക്കാന്‍ സഹായിക്കുകയും ചെയ്യുന്നു. 'കാര്‍ഡിയോളജിയില്‍, പൊട്ടാസ്യത്തിന്റെ അളവ് ഞങ്ങള്‍ സൂക്ഷ്മമായി നിരീക്ഷിക്കുന്നു (45 mEq/L അനുയോജ്യമാണ്)' എന്ന് ഡോ. യാരാനിവ് ഊന്നിപ്പറഞ്ഞു.
6. വിറ്റാമിന്‍ ഡി
വിറ്റാമിന്‍ ഡിയുടെ കുറവ് ഹൃദ്രോഗ സാധ്യത വര്‍ദ്ധിപ്പിക്കും. അളവ് കുറവുള്ളവരില്‍ സപ്ലിമെന്റേഷന്‍ ഹൃദയാരോഗ്യം മെച്ചപ്പെടുത്തും.
