മുഖം വെട്ടി തിളങ്ങാൻ തൈര് ഫേസ്പാക്ക്; ഉണ്ടാക്കുന്ന വിധം

വെള്ളി, 30 ഓഗസ്റ്റ് 2019 (17:22 IST)
സൌന്ദര്യ സംരക്ഷണത്തിന്റെ കാര്യത്തിൽ തൈരിനു വലിയ പങ്കാണുള്ളത്. നിറം കൂട്ടാനും കരുവാളിപ്പ് മാറ്റാനും ചർമത്തിന്റെ തിളക്കം വർധിപ്പിക്കാനും തൈര് മികച്ചതാണ്. മുഖം വെട്ടിത്തിളങ്ങാൻ തൈരുകൊണ്ടുള്ള ഫേസ്പാക്ക് ഉത്തമമാണ്. എങ്ങനെയാണ് ഇത് ഉണ്ടാക്കുന്നതെന്ന് നോക്കാം.
 
മുഖത്തെ കറുത്ത പാടും മുഖക്കുരുവും മാറാനുള്ള ഫേസ്പാക്ക്:
 
തൈരും കസ്തൂരിമഞ്ഞളും ചേർത്ത് മുഖത്തും കഴുത്തിലും പുരട്ടി അര മണിക്കൂറിനു ശേഷം കഴുകി കളയുക. നല്ല നിറം കിട്ടാൻ ഇത് സഹായിക്കും. മൂന്ന് ടേബിൾസ്പൂൺ തൈരും 2 -3 ടേബിൾ സ്പൂൺ ഒലിവ് ഓയിലും ചേർത്ത് ഈ പേസ്റ്റ് മുഖത്ത് പുരട്ടി ഉണങ്ങിയതിനു ശേഷം കഴുകിക്കളയാം. മുഖക്കുരു പാടുകളും വരകളും കറുത്ത പാടുകളും മാറ്റാൻ ഈ ഫേസ് പാക്ക് സഹായിക്കും .
 
മുഖം മൃദുലമാകാനുള്ള ഫേസ്പാക്ക്:
 
മൂന്ന് ടേബിൾസ്പൂൺ തൈരും മൂന്ന് ടേബിൾസ്പൂൺ കടലമാവും ഒരു ബൗളിലെടുക്കുക. ഇതിലേക്ക് ഒരു ടേബിൾസ്പൂൺ തേനൊഴിക്കുക. ഈ പേസ്റ്റ് മുഖത്ത് പുരട്ടി അരമണിക്കൂറിനു ശേഷം കഴുകിക്കളയുക. ചര്‍മത്തിന്റെ വരൾച്ച മാറിക്കിട്ടും. തൈരും തേനും മിക്സ് ചെയ്ത് മുഖത്ത് തേച്ച് പിടിപ്പിക്കുക. അരമണിക്കൂറിനു ശേഷം കഴുകിക്കളയുക. ചർമം മൃദുവാകാന്‍ ഇത് നല്ലതാണ്.

വെബ്ദുനിയ വായിക്കുക

അടുത്ത ലേഖനം ഉറങ്ങും മുൻപ് കാലിനടിയിൽ ഒരു കഷണം സവാള വെച്ചാൽ