തേങ്ങാവെള്ളം കുടിക്കുമ്പോള്‍ ഈ തെറ്റ് ഒഴിവാക്കുക; ഗുരുതരമായ രോഗത്തിലേക്ക് നയിച്ചേക്കാം!
തേങ്ങ പൊട്ടിച്ച ഉടനെ തേങ്ങാവെള്ളം കുടിക്കുക
വേനല്‍ക്കാലത്ത് കുടിക്കാവുന്ന ഒരു മികച്ച പ്രകൃതിദത്ത പാനീയമാണ് തേങ്ങാവെള്ളം, ഇത് ശരീരത്തിന് ജലാംശം നല്‍കുകയും ഫ്രഷ് ആയി നിലനിര്‍ത്താന്‍ സഹായിക്കുകയും ചെയ്യുന്നു. എന്നാല്‍ നിങ്ങള്‍ തെറ്റായ രീതിയില്‍ തേങ്ങാവെള്ളം കുടിച്ചാല്‍, അത് ഗുണത്തേക്കാളേറെ ദോഷം ചെയ്യും. ഈ അടുത്ത് തെറ്റായ രീതിയില്‍ തേങ്ങാവെള്ളം കുടിച്ചതിനെ തുടര്‍ന്ന് 69 വയസ്സുള്ള ഒരാള്‍ മരിച്ച ഞെട്ടിക്കുന്ന ഒരു സംഭവം പുറത്തുവന്നിരുന്നു. തെറ്റായി സൂക്ഷിച്ച തേങ്ങാവെള്ളം കുടിക്കുമ്പോള്‍, ഫംഗസ് അണുബാധയ്ക്കുള്ള സാധ്യത വര്‍ദ്ധിക്കുന്നു.
തേങ്ങ പൊട്ടിച്ച ഉടനെ തേങ്ങാവെള്ളം കുടിക്കുക. റഫ്രിജറേറ്ററിലോ പുറത്തോ തേങ്ങാവെള്ളം ദീര്‍ഘനേരം സൂക്ഷിക്കരുത്. ഇത് ഫംഗസ് അണുബാധയ്ക്കുള്ള സാധ്യത വര്‍ദ്ധിപ്പിക്കുന്നു. തേങ്ങ പൊട്ടിച്ചതിനുശേഷം വെള്ളം അതില്‍ സൂക്ഷിക്കുന്നത് അപകടകരമാണെന്ന് വിദഗ്ദ്ധര്‍ പറയുന്നു. ഈര്‍പ്പവും ചൂടും കാരണം, ഫംഗസ് അണുബാധയ്ക്കുള്ള സാധ്യതയുണ്ട്, ഇത് ഛര്‍ദ്ദി, ഓക്കാനം, വയറുവേദന തുടങ്ങിയ നിരവധി പ്രശ്‌നങ്ങള്‍ക്ക് കാരണമാകും. ഇതിനുപുറമെ, ഇങ്ങനെ തേങ്ങാവെള്ളം കുടിക്കുന്നത് ഭക്ഷ്യവിഷബാധ, വയറിളക്കം തുടങ്ങിയ ഗുരുതരമായ പ്രശ്‌നങ്ങള്‍ക്കും കാരണമാകും.
തേങ്ങ ഉടച്ച ഉടനെ തന്നെ വെള്ളം കുടിക്കുക. രാവിലെ വെറും വയറ്റില്‍ തേങ്ങാവെള്ളം കുടിക്കുന്നതാണ് ഏറ്റവും ഗുണം. ഇതിനുപുറമെ, വ്യായാമത്തിന് ശേഷമോ വെയിലത്ത് നിന്ന് തിരിച്ചെത്തിയ ശേഷമോ ഇത് കുടിക്കുക. ഇത് നിങ്ങളുടെ ശരീരത്തിലെ ജലാംശം നിലനിര്‍ത്തുകയും ഇലക്ട്രോലൈറ്റുകളെ സന്തുലിതമാക്കുകയും ചെയ്യുന്നു.
തേങ്ങാവെള്ളത്തില്‍ കലോറി കുറവും ഇലക്ട്രോലൈറ്റുകള്‍ കൂടുതലുമാണ്, ഇത് വേഗത്തില്‍ ശരീരഭാരം കുറയ്ക്കാന്‍ സഹായിക്കും. ശരീരഭാരം കുറയ്ക്കാന്‍ നിങ്ങള്‍ ആഗ്രഹിക്കുന്നുവെങ്കില്‍, തേങ്ങാവെള്ളം കുടിക്കുക.
