സിനിമകള്‍ നിങ്ങളുടെ പെരുമാറ്റത്തെ ബാധിക്കുമോ? പഠനങ്ങള്‍ പറയുന്നത് ഇതാണ്
കൗമാരക്കാര്‍ മുതല്‍ കുട്ടികള്‍ വരെ, അക്രമവും ഭീകരതയും നിറഞ്ഞ സിനിമകള്‍ കാണാന്‍ ഇഷ്ടപ്പെടുന്നവരാണ്.
ഭയാനകവും അക്രമാസക്തവുമായ സിനിമകള്‍ മാനസികവും ശാരീരികവുമായ ആരോഗ്യപരമായ പ്രത്യാഘാതങ്ങള്‍ ഉണ്ടാകുമെന്ന് പുതിയ റിപ്പോര്‍ട്ട് വെളിപ്പെടുത്തുന്നു. കൗമാരക്കാര്‍ മുതല്‍ കുട്ടികള്‍ വരെ, അക്രമവും ഭീകരതയും നിറഞ്ഞ സിനിമകള്‍ കാണാന്‍ ഇഷ്ടപ്പെടുന്നവരാണ്. അക്രമാസക്തവും ഭയാനകവുമായ സിനിമകളെക്കുറിച്ചുള്ള സമീപകാല പഠനം സൂചിപ്പിക്കുന്നത് അത്തരം സിനിമകള്‍ കാണുന്നത് ഒരു വ്യക്തിയില്‍ വിവിധ വികാരങ്ങള്‍ ഉളവാക്കുന്നു എന്നാണ്.
അക്രമാസക്തമായ സിനിമകള്‍ കാണുന്നത് ഉത്കണ്ഠ, സമ്മര്‍ദ്ദം, മാനസിക പ്രശ്നങ്ങള്‍, കോപം, സംസാരരീതിയില്‍ പോലും മാറ്റങ്ങള്‍ എന്നിവയ്ക്ക് കാരണമാകുമെന്ന് ആരോഗ്യ വിദഗ്ധര്‍ പറയുന്നു. അക്രമാസക്തവും ഭയാനകവുമായ വിവിധ വെബ് സീരീസുകള്‍ കാണുന്നത് പലരിലും ഭയവും ഉത്കണ്ഠയും ഉണ്ടാക്കുന്നു. ഇത് അവരുടെ ജീവിതത്തില്‍ ആഴത്തിലുള്ള സ്വാധീനം ചെലുത്തുന്നു. കൂടാതെ ഇത് ആര്‍ത്തവചക്രത്തില്‍ പോലും മാറ്റങ്ങള്‍ വരുത്തുന്നുവെന്ന് പഠനങ്ങള്‍ പറയുന്നു.
അക്രമാസക്തവും ഭീകരവുമായ സിനിമകള്‍ കാണുന്നത് ചിലരില്‍ ആക്രമണോത്സുകത വര്‍ദ്ധിപ്പിക്കുന്നു. ഈ സിനിമകളുടെ ആഘാതം മൂലം മറ്റുള്ളവരോട് ദേഷ്യം പ്രകടിപ്പിക്കുന്ന അവസ്ഥയിലേക്കുപോലും ആളുകള്‍ മാറുന്നു. അക്രമാസക്തവും ഭയാനകവുമായ സിനിമകള്‍ മനസ്സില്‍ മാത്രമല്ല, തലച്ചോറിലും വിവിധ നെഗറ്റീവ് ചിന്തകള്‍ ഉണര്‍ത്തുന്നു. ഇത് ഉറക്കമില്ലായ്മയ്ക്ക് കാരണമാകുന്നു. മനസ്സില്‍ ആഴത്തില്‍ പതിഞ്ഞ രംഗങ്ങള്‍ സ്വപ്നങ്ങളില്‍ ആവര്‍ത്തിച്ച് വരുന്നതായും ചിലര്‍ പറയുന്നു.
