ഈ ലക്ഷണങ്ങളിലൂടെ കുടലിലെ കാന്‍സറിനെ തിരിച്ചറിയാം

ജീവിതശൈലിയിലുണ്ടായ മാറ്റങ്ങളും പാരിസ്ഥിതിക പ്രശ്‌നങ്ങളുമാണ് കുടലിലെ കാന്‍സറിന് കാരണമാകുന്നത്. ജങ്ക് ഫുഡുകളുടെ ഉപയോഗവും തെറ്റായ ഭക്ഷണക്രമവും കൂടിയാകുമ്പോള്‍ പ്രശ്‌നം കൂടുതല്‍ വഷളാകും.

കണ്ടു പിടിക്കാനും തിരിച്ചറിയാനും വൈകുന്നതാണ് കുടലിലെ കാന്‍സറിനെ കൂടുതല്‍ അപകടകാരിയാക്കുന്നത്. പതിവായി തോന്നുന്ന ചില ലക്ഷണങ്ങള്‍ ഈ പ്രശ്‌നം വേട്ടയാടുന്നതിന്റെ സൂചനകള്‍ ആണെന്നാണ് വിദഗ്ദര്‍ അഭിപ്രായപ്പെടുന്നത്.

ദഹനമില്ലായ്മ, രക്തസ്രാവം, ശരീരഭാരം ക്രമാതീതമായി കുറയുക, ഉദരസംബന്ധമായ മറ്റുരോഗങ്ങള്‍ എന്നിവ
കുടലിലെ കാന്‍സറിന്റെ പ്രധാന ലക്ഷണങ്ങളാണ്. മുഴകളുടെ രൂപത്തിലായിരിക്കും ഈ ഗുരുതര രോഗം കൂടുതലായും കണ്ടുവരുക.

മുപ്പത് മുതല്‍ നാല്‍പ്പത് വയസ്സു വരെയുള്ളവരില്‍ കുടലിലെ കാന്‍സര്‍ വര്‍ദ്ധിക്കുന്നു എന്നാണ് പഠനങ്ങള്‍ തെളിയിക്കുന്നത്. പാരമ്പര്യമായും ഈ രോഗം കണ്ടുവരുന്നുണ്ട്. കൃത്യമായ പരിശോധനയും ചികിത്സയും നല്‍കിയാല്‍ രോഗം മാറ്റാന്‍ സാധിക്കും.