വീട് വൃത്തിയാക്കുമ്പോള്‍ നമ്മള്‍ പലപ്പോഴും നമ്മുടെ ആരോഗ്യത്തെ ശ്രദ്ധിയ്ക്കാറില്ല എന്നതാണ് വാസ്തവം. പ്രത്യേകിച്ച് പൊടിതട്ടുമ്പോള്‍. പോടിതട്ടുമ്പോള്‍ ശ്രദ്ധിച്ചില്ലെങ്കില്‍ ശ്വാസകോശപരമായ പല പ്രശ്‌നങ്ങള്‍ക്കും കാരണമാകും. പൊടിയില്‍ ജീവിക്കുന്ന പൊടിച്ചെള്ള് അഥവ ഡെസ്റ്റ്മൈറ്റ് എന്ന ജീവിയുടെ വിസര്‍ജ്യമാണ് ഈ പ്രശ്‌നത്തിന് കാരണം. മെത്ത തലയിണ സോഫ തുടങ്ങിയവ ദിവസവും വൃത്തിയാക്കിയാല്‍ ഈ പ്രശനത്തിന്റെ വ്യാപ്തി കുറക്കാനാകും. മൂക്കും വായയും പൊത്തിയതിന് ശേഷം മാത്രമേ പൊടി തട്ടുന്ന ജോലികളിലേക്ക് കടക്കാവു,
സോഫ പോലെ പൊടി ഉള്ളില്‍ അടിഞ്ഞിരിക്കുന്നവ വാക്വം ക്ലീനര്‍ ഉപയോഗിച്ച് മത്രമേ വൃത്തിയാക്കാവു. അത്തരം വസ്തുക്കളില്‍ തട്ടി പൊടി പൊടി പറത്തുന്നത് ഒഴിവാക്കണം. കുട്ടികള്‍ എപ്പോഴും ഉപയോഗിക്കുന്ന രോമപ്പാവകളുടെ കാര്യം പ്രത്യേഗം ശ്രദ്ധിക്കേണ്ടതുണ്ട്. ഒരു നിശ്ചിത താപനിലക്ക് താഴെ ഈ ജീവിക്ക് ജീവിക്കാന്‍ സാധിക്കാത്തതിനാല്‍ ഫ്രിഡ്ജില്‍ വച്ച് പൊടിച്ചെള്ളിനെ നശിപ്പിച്ച ശേഷം മാത്രമേ ഇത് വൃത്തിയാക്കാവു. ഫര്‍ണിച്ചറുകള്‍ തുറക്കുമ്പോള്‍ നാരങ്ങനീര് ചേര്‍ത്ത് തുടക്കുന്നത് നല്ലതാണ്.
