ശരീരത്തില്‍ പ്രോട്ടീന്‍ കുറഞ്ഞാല്‍ അപകടം; എന്തെല്ലാം കഴിക്കണം ?

ചൊവ്വ, 20 ഓഗസ്റ്റ് 2019 (16:40 IST)
ശരീരിക വളര്‍ച്ചയ്‌ക്കും കരുത്തിനും ഏറ്റവും ആവശ്യമായ ഘടകമാണ് പ്രോട്ടീന്‍. കഠിനമായ ജോലി ചെയ്യുന്നവര്‍ക്കും അല്ലാത്തവര്‍ക്കും പ്രോട്ടീന്‍ ആവശ്യമാണ്. നമ്മുടെ ജീവിതശൈലിയെ പോലും ബാധിക്കുന്ന വലിയ പ്രശ്‌നമാണ് ശരീരത്തില്‍ പ്രോട്ടില്‍ കുറയുമ്പോള്‍ സംഭവിക്കുന്നത്.

ഉത്സാഹക്കുറവ്, ജോലി ചെയ്യാൻ താൽപര്യ കുറവ്, തളർച്ച, കഠിനമായ പണി ചെയ്യാന്‍ കഴിയാതെ വരുക, ഹോർമോൺ വ്യതിയാനം, മസിലുകളുടെ ശക്തി കുറയുക, വിളർച്ച, ത്വക്ക് രോഗങ്ങൾ എന്നിവ പ്രോട്ടീന്‍ കുറയുമ്പോള്‍ ഉണ്ടാകുന്ന ശാരീരിക പ്രശ്‌നങ്ങളാണ്.

ചെറുപ്പക്കാർക്ക്  ഒരു ദിവസം വേണ്ടത് 66 ​ഗ്രാം പ്രോട്ടീനാണ്. ഇതനുസരിച്ചാകണം ഭക്ഷണ ശൈലിയില്‍ മാറ്റം വരുത്തേണ്ടത്. ഭക്ഷണക്രമത്തിലൂടെ പ്രോട്ടീന്‍ ഉല്പാദിപ്പിക്കാന്‍ കഴിയും.

മാംസാഹാരം കഴിക്കുന്നവര്‍ക്ക് പ്രോട്ടിന്‍ എളുപ്പം ലഭിക്കും. 100 ഗ്രാം മാംസത്തില്‍ 28 ഗ്രാം പ്രോട്ടീൻ അടങ്ങിയിരിക്കും. ചോറില്‍ കുറഞ്ഞ തോതില്‍ മാത്രമാണ് പ്രോട്ടിന്‍ അടങ്ങിയിരിക്കുന്നത്. ഗോതമ്പില്‍ 10 ഗ്രാമും പാലിൽ 14 ഗ്രാം പ്രോട്ടീനും അടങ്ങിയിട്ടുണ്ട്.

മുട്ടയില്‍ കുറഞ്ഞ തോതിലാണ് പ്രോട്ടീന്‍ അടങ്ങിയിരിക്കുന്നത്. ഗോതമ്പില്‍ 10 ഗ്രാം പ്രോട്ടീന്‍ അടങ്ങിയിട്ടുണ്ട്. 100 ഗ്രാം പനീറിൽ 19 ഗ്രാം പ്രോട്ടീന്‍ അടങ്ങിയിട്ടുണ്ട്. ഡ്രൈ ഫ്രൂട്‌സ് ധാരാളം കഴിക്കുന്നത് ഉത്തമമാണ്. എന്നാല്‍, പ്രോട്ടീന്‍ മരുന്നുകള്‍ കഴിക്കുന്നത് ശരീരത്തിന് ദോഷം മാത്രമേ ചെയ്യൂ.

വെബ്ദുനിയ വായിക്കുക

അടുത്ത ലേഖനം മഞ്ഞപ്പിത്തത്തെ എങ്ങനെ പ്രതിരോധിക്കാം? ഇതാ 5 മാർഗങ്ങൾ