ശീലമാക്കിയാല്‍ ആരോഗ്യത്തിന് മധുരം പകരുന്ന ‘തേനാ’ണ് പാവയ്‌ക്ക
ശീലമാക്കിയാല്‍ ആരോഗ്യത്തിന് മധുരം പകരുന്ന ‘തേനാ’ണ് പാവയ്‌ക്ക
ശരീരത്തിന് എന്തെല്ലാമാണോ വേണ്ടത് അതെല്ലാം നല്‍കാനുള്ള കഴിവ് പാവയ്ക്കയിലുണ്ട്. എണ്ണിയാലൊടുങ്ങാത്ത ഗുണങ്ങള്‍ ഉണ്ടെങ്കിലും കയ്‌പ് അനുഭവപ്പെടുത്തിനാലാണ് മിക്കവരും പാവയ്‌ക്കയെ മാറ്റി നിര്‍ത്തുന്നത്.
ആരോഗ്യഗുണങ്ങള്‍ ഉള്ളതു പോലെ തന്നെ ആസ്മ, ജലദോഷം, ചുമ എന്നിവയ്‌ക്ക് ആശ്വാസം നൽകാനും പാവയ്‌ക്കായ്‌ക്ക് കഴിവുണ്ട്. ആന്റി ഓക്സിഡന്റുകളും വിറ്റാമിനുകളും അടങ്ങിയിരിക്കുന്ന പാവയ്‌ക്ക രക്തത്തിലെ പഞ്ചസാരയുടെ അളവ് കുറയ്ക്കാനും ശരീരത്തിൽ അടിഞ്ഞു കൂടിയിട്ടുള്ള കൊഴുപ്പിനെ ഇല്ലാതാക്കുകയും ചെയ്യും.
റൈബോഫ്ളേവിൻ, ബീറ്റാ കരോട്ടിൻ, മഗ്നീഷ്യം, ഫോസ്‌ഫറസ് തയാമിൻ, സിങ്ക്, ഫോളിയേറ്റ് തുടങ്ങിയ ഘടകങ്ങൾ പാവയ്ക്കയിലുണ്ട്. അതിനൊപ്പം ശിരോചർമത്തിലുണ്ടാകുന്ന അണുബാധകളും അകറ്റാൻ പാവയ്‌ക്കയില്‍ അടങ്ങിയിരിക്കുന്ന വിറ്റാമിനുകള്‍ക്ക് കഴിവുണ്ട്.
