നൃത്തച്ചുവടുകള്‍വെച്ചും ട്രാഫിക് നിയന്ത്രിക്കാം; ട്രാഫിക് ഉദ്യോഗസ്ഥന്റെ വീഡിയോ വൈറലാകുന്നു

പുതിയ വേഷത്തിലെത്തി നൃത്തച്ചുവടുകള്‍ക്കൊപ്പം ട്രാഫിക് നിര്‍ദേശം; വീഡിയോ വൈറൽ

വ്യത്യസ്തമായ രീതിയിൽ നൃത്തച്ചുവടുകള്‍വെച്ച് ട്രാഫിക് നിയന്ത്രിക്കുന്ന കാഴ്ച വൈറലാകുന്നു. റോഡിലെ ട്രാഫിക് നിയന്ത്രിക്കുന്നതോടോപ്പം ചെറിയ നൃത്തചുവടുകളും അവതരിപ്പിച്ചുകൊണ്ടാണ് മനിലയിലെ ഒരു ട്രാഫിക് ഉദ്യോഗസ്ഥന്‍ തന്റെ ജോലി ആസ്വദിക്കുന്നത്. ഫിലിപ്പൈന്‍സ് സ്വദേശിയായ റാമിറോ ഹിനോജാസ് എന്ന 51 കാരനാണ് ഇത്തരത്തില്‍ വാഹനങ്ങളെ നിയന്ത്രിക്കുന്നത്.

ക്രിസ്മസ് സീസണായതിനാല്‍ സാന്റാ ക്ലോസിന്റെ വേഷത്തിലാണ് ഇദ്ദേഹത്തിന്റെ ട്രാഫിക് നിയന്ത്രണം. 2005 മുതല്‍ മനിലയിലെ ഹൈവേകളില്‍ ജോലി ചെയ്യുന്ന വ്യക്തിയാണ് റാമിറോ. ജോലിയില്‍ പ്രവേശിച്ച അടുത്ത വര്‍ഷ മുതല്‍ തന്നെ റോഡില്‍ നൃത്തം ചെയ്ത് ട്രാഫിക് നിര്‍ദേശം നല്‍കുന്ന റാമിറോ എല്ലാവരും ശ്രദ്ധിക്കാന്‍ തുടങ്ങി. കാല്‍നടയാത്രക്കാരും ഇയാളുടെ നൃത്തച്ചുവടുകള്‍ ആസ്വദിക്കാറുണ്ട്.

വീഡിയോ കാണാം: