സുനിതയേയും വിൽമറേയും തിരിച്ചെത്തിക്കണം, സ്പേസ് എക്സിനോട് ആവശ്യപ്പെട്ട് ട്രംപ്, കൊണ്ടുവരുമെന്ന് മസ്ക്

ബഹിരാകാശ നിയലത്തില്‍ നിന്ന് നാസയുടെ ബഹിരാകാശ സഞ്ചാരികളായ സുനിത വില്യംസിനെയും ബാരില്‍ വില്‍മറിനെയും തിരികെ കൊണ്ടുവരാന്‍ സ്‌പേസ് എക്‌സിനോട് യു എസ് പ്രസിഡന്റ് ഡൊണാള്‍ഡ് ട്രംപ് ആവശ്യപ്പെട്ടതായി ഇലോണ്‍ മസ്‌ക്. എക്‌സിലൂടെയാണ് മസ്‌ക് ഇക്കാര്യം അറിയിച്ചത്.

 അന്താരാഷ്ട്ര ബഹിരാകാശനിലയത്തില്‍ കുടുങ്ങിക്കിടക്കുന്ന ബഹിരാകാശ സഞ്ചാരികളെ കഴിയുന്നത്ര വേഗത്തില്‍ തിരിച്ചെത്തിക്കാന്‍ സ്‌പേസ് എക്‌സിനോട് ട്രംപ് ആവശ്യപ്പെട്ടു. ഞങ്ങള്‍ അത് ചെയ്യും. അവരെ തിരിച്ചെത്തിക്കാന്‍ ബൈഡന്‍ ഭരണകൂടം ഒന്നും തന്നെ ചെയ്യാതിരുന്നത് ഭയങ്കരം തന്നെ. ഇലോണ്‍ മസ്‌ക് എക്‌സില്‍ കുറിച്ചു. ബഹിരാകാശ യാത്രികരെ തിരിച്ചെത്തിക്കാന്‍ ഇലോണ്‍ മസ്‌കിനോടും സ്‌പേസ് എക്‌സിനോടും താന്‍ ആവശ്യപ്പെട്ടതായി സ്വന്തം സോഷ്യല്‍ മീഡിയ പ്ലാറ്റ്‌ഫോമായ ട്രൂത്ത് സോഷ്യലിലൂടെയാണ് ട്രംപ് വ്യക്തമാക്കിയത്.