ദുബായിയില്‍ എല്ലാ യാത്രക്കാര്‍ക്കും കൊവിഡ് പരിശോധന നിര്‍ബന്ധമാക്കി. കൊവിഡ് വീണ്ടും ശക്തിപ്രാപിച്ച സാഹചര്യത്തിലാണ് പുതിയ തീരുമാനം. ഏത് രാജ്യത്ത് നിന്നും എത്തുന്നവര്‍ക്കും ഈ നിബന്ധന ബാധകമാണ്. ഈമാസം 31 മുതലാണ് പുതിയ നിബന്ധനകള്‍ പ്രാബല്യത്തില്‍ വരുന്നത്.
അതേസമയം പരിശോധനാഫലങ്ങളുടെ കാലാവധി 96 മണിക്കൂറില്‍ നിന്നും 72 മണിക്കൂറാക്കിയിട്ടുണ്ട്. കൊവിഡ് ഫലം വരുന്നതുവരെ ക്വാറന്റൈനിലിരിക്കുകയും പോസിറ്റീവാണെങ്കില്‍ 10 ദിവസം കൂടി ഹോം ക്വാറന്റൈനില്‍ പ്രവേശിക്കുകയും ചെയ്യണം.
