സ്വീഡനിലെ കൗമാരക്കാരിയായ പരിസ്ഥിതി പ്രവർത്തക ഗ്രേറ്റ തുൻബർഗിനും കാമറൂണിൽ ബൊക്കോ ഹറാം എന്ന ഭീകരസംഘടനക്കെതിരെ പൊരുതുന്ന സമാധാന പ്രവർത്തക ഡിവിന മലൂമിനും ചിൽഡ്രൻസ് പീസ് പുരസ്കാരം.
ഓരോ വർഷവും കുട്ടികളുടെ അവകാശങ്ങൾക്കായി നിലക്കൊള്ളുന്നവർക്കായാണ് നെതർലൻഡ്സിലെ കിഡ്സ്റൈറ്റ് സംഘടന പുരസ്കാരം സമ്മാനിക്കുന്നത്. കാലാവസ്ഥാ വ്യതിയാനത്തിനെതിരെ ഗ്രേറ്റ തുൻബർഗ് നടത്തിയ പഠിപ്പ് മുടക്കൽ സമരം ലോകമെങ്ങും ചർച്ചയായിരുന്നു. ഏകദേശം നൂറിലേറെ രാജ്യങ്ങളിലേക്ക് സമരം വ്യാപിക്കുകയും ചെയ്തിരുന്നു.
ഇതിനെ തുടർന്ന് ലോകത്തെ സ്വാധീനിച്ച 100 പേരുടെ ടൈംസ് മാഗസിൻ പട്ടികയിലും ഗ്രേറ്റ ഇടം നേടിയിരുന്നു. ഗ്രേറ്റ ഇഫക്ട് എന്നാണ് മാധ്യമങ്ങൾ ഇതിനെ വിശേഷിപ്പിക്കുന്നത്.
