ബീജിങ്ങ്: ഐഫോൺ വാങ്ങുന്നതിനായി കിഡ്നി വിറ്റ യുവാവ് ഒടുവിൽ ആന്തരിക അവയവങ്ങളുടെ തകരാറ് മൂലം കിടപ്പിലായി. ചൈനക്കാരനായ വാങ് ഷാങ്കുവിനാണ് ഐ ഫോണിനോടുള്ള അമിത ആഭിനിവേഷം കാരണം ആരോഗ്യം തന്നെ നഷ്ടമായത്.
2011ൽ വെറും 17 വയസ് മാത്രം പ്രായമുള്ളപ്പോഴാണ് വാങ് ഷാങ്കു ഐഫോണിന്റെ പുതിയ മോഡൽ വാങ്ങുന്നതിനായി തന്റെ കിഡ്നി അനധികൃതമായി വിൽക്കുന്നത്. 4,500 ഓസ്‌ട്രേലിയന്‍ ഡോളറിനായിരുന്നു യുവാവ് തന്റെ കിഡ്നി വിറ്റത്, ഈ പണം കൊണ്ട് ഐഫോൺ 4, ഐപാഡ് 2 എന്നിവ യുവാവ് വാങ്ങീ.
എന്നാൽ കിഡ്നി വിറ്റ് അധികാലം കഴിയുന്നതിന് മുൻപ തന്നെ യുവാവിന്റെ ശരീരത്തിൽ പ്രശ്നങ്ങൾ കണ്ടുതുടങ്ങി. കിഡ്നിയുടെ പ്രവർത്തനങ്ങൾ താളം തെറ്റിയതോടെ മറ്റു ആന്തരിക അവയവങ്ങളുടെ പ്രവർത്തനങ്ങളീലും പ്രശ്നങ്ങൾ ഉണ്ടായി. ഇതോടെയാണ് യുവാവ് അസുഖ ബാധിതനായി കിടപ്പിലായത്.