വേട്ടയാടാന്‍ പക്ഷികള്‍ ഇല്ലാത്തതിനാല്‍ ചാള്‍സ് മൂന്നാമന്‍ രാജാവ് രോഷാകുലനായി; ജീവനക്കാരനെ പിരിച്ചുവിട്ടു
ബ്രിട്ടീഷ് രാജകുടുംബത്തിന്റെ പ്രശസ്തമായ സ്വകാര്യ വസതികളില്‍ ഒന്നാണ് സാന്‍ഡ്രിങ്ഹാം എസ്റ്റേറ്റ്.
വേട്ടയാടാന്‍ പക്ഷികള്‍ ഇല്ലാത്തതിനാല്‍ ചാള്‍സ് മൂന്നാമന്‍ രാജാവ് രോഷാകുലനായെന്ന് റിപ്പര്‍ട്ട്. ഇതിനുപിന്നാല സാന്‍ഡ്രിങ്ഹാം എസ്റ്റേറ്റിലെ ഗെയിം കീപ്പറെ ജോലിയില്‍നിന്ന് പിരിച്ചുവിട്ടു. ബ്രിട്ടീഷ് മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്. ബ്രിട്ടീഷ് രാജകുടുംബത്തിന്റെ പ്രശസ്തമായ സ്വകാര്യ വസതികളില്‍ ഒന്നാണ് സാന്‍ഡ്രിങ്ഹാം എസ്റ്റേറ്റ്.
പുതുവത്സരാഘോഷങ്ങള്‍ക്കായി ബ്രിട്ടീഷു രാജകുടുംബം ഇവിടെയാണ് പതിവായി ആഘോഷം നടത്താറുള്ളത്. വേട്ടയാടലാണ് ഇവിടുത്തെ പ്രധാന വിനോദം. അടുത്തിടെ എസ്റ്റേറ്റില്‍ വേട്ടയാടാനുള്ള പക്ഷികളുടെ എണ്ണം ഗണ്യമായി കുറഞ്ഞതായി റിപ്പോര്‍ട്ടുകള്‍ വന്നിരുന്നു. തന്റെ വേട്ടയാടല്‍ തടസ്സപ്പെട്ടതില്‍ രാജാവ് കടുത്ത അതൃപ്തി പ്രകടിപ്പിച്ചതായും പിന്നാലെ ഏറെക്കാലമായി എസ്റ്റേറ്റില്‍ ഗെയിം കീപ്പറായി ജോലി ചെയ്തിരുന്നയാളെ പുറത്താക്കിയെന്നുമാണ് റിപ്പോര്‍ട്ട്.
പക്ഷികള്‍ കുറഞ്ഞതില്‍ അതൃപ്തി ഉണ്ടെങ്കിലും വേട്ടയ്ക്ക് വേണ്ടി പക്ഷികളെ ഇറക്കുമതി ചെയ്യുന്നത് രാജാവ് പ്രോത്സാഹിപ്പിക്കുന്നില്ലെന്നും ബ്രിട്ടീഷ് മാധ്യമങ്ങള്‍ പറയുന്നു.
