പെട്രോൾ വില 80 രൂപ വരെ ഉയരുമെന്ന് പ്രചാരണം, പാകിസ്ഥാൻ പെട്രോൾ പമ്പുകളിൽ നീണ്ടനിര

സാമ്പത്തിക ഭക്ഷ്യ പ്രതിസന്ധിയിൽ നട്ടം തിരിയുന്ന പാകിസ്ഥാനിൽ ഇന്ധനവില കുത്തനെ ഉയരുന്നു. ഫെബ്രുവരി ഒന്ന് മുതൽ രാജ്യത്ത് പെട്രോൾ,ഡീസൽ വില ലിറ്ററിന് 80 രൂപ ഉയരുമെന്ന് സമൂഹമാധ്യമങ്ങളിൽ വാർത്ത വന്നതോടെ പമ്പുകളിൽ ജനങ്ങൾ തമ്പടിച്ചിരിക്കുകയാണ്. എന്നാൽ ഈ റിപ്പോർട്ടുകൾ സർക്കാർ നിഷേധിച്ചു.

After Electricity & Water shortage, Reports of massive shortage of Petrol and Diesel in Pakistan. pic.twitter.com/dKyadxfl7K

— Megh Updates

രണ്ടാഴ്ചത്തേക്ക് ഇന്ധനവിലയിൽ മാറ്റമുണ്ടാകില്ലെന്ന് പാകിസ്ഥാൻ ഓയിൽ ആന്ദ് ഗ്യാസ് റെഗുലേറ്ററി അതോറിറ്റി അറിയിച്ചു. 2022ൽ പാകിസ്ഥാനിൽ വിലക്കയറ്റം 25% വർധിച്ചതായാണ് സ്റ്റേറ്റ് ബാങ്ക് ഓഫ് പാകിസ്ഥാൻ്റെ റിപ്പോർട്ട്. ഭക്ഷ്യധാന്യങ്ങൾ,പച്ചക്കറി,പഞ്ചസായ എന്നിവയ്ക്ക് കുത്തനെ വില ഉയർന്നു. ചില പച്ചക്കറികളുടെ വില 500% വരെ വില ഉയർന്നിട്ടുണ്ട്.  ഭക്ഷ്യധാന്യ വിലയും സമാനമായ നിലയിൽ ഉയർന്നതിനാൽ ഭക്ഷണവിതരണ കേന്ദ്രങ്ങളിൽ ജനങ്ങൾ തമ്മിലടിക്കുന്ന സ്ഥിതിയാണുള്ളത്.