അ​ത്താ​ഴ​വി​രു​ന്നിനിടെ ഓ​സ്ക​ർ പു​ര​സ്കാ​രം അടിച്ചുമാറ്റി, തുടര്‍ന്ന് ഫേസ്‌ബുക്ക് ലൈവില്‍ വന്നു - ടെ​റി ബ്ര​യാ​ന്‍റ് പിടിയിലായത് നാടകീയമായി

ഓ​സ്ക​ർ പു​ര​സ്കാ​രം മോഷ്‌ടിച്ചയാളെ ഫോ​ട്ടോ​ഗ്രാ​ഫ​ർ പിടികൂടി. ചടങ്ങില്‍ പങ്കെടുത്ത ടെ​റി ബ്ര​യാ​ന്‍റ് (47) എ​ന്നയാളാണ് അറസ്‌റ്റിലായത്. ഇയാളെ അടുത്ത ദിവസം കോടതിയില്‍ ഹാജരാക്കും.

മി​ക​ച്ച ന​ട​ക്കു​ള്ള ഓ​സ്ക​ർ പു​ര​സ്കാ​രം നേടിയ ഫ്രാ​ൻ​സി​സ് മ​ക്ഡോ​ർ​മ​ന്‍റി​ന്‍റെ ഓ​സ്ക​ർ ശി​ൽ​പ​മാ​ണ് ബ്ര​യാ​ന്‍റ് തന്ത്രപരമായി കൈക്കലാക്കിയത്. അ​വാ​ർ​ഡ് വി​ത​ര​ണ ച​ട​ങ്ങി​നു ശേ​ഷം ന​ട​ന്ന ഔ​ദ്യോ​ഗി​ക അ​ത്താ​ഴ​വി​രു​ന്നിനിടെയാണ്  ബ്ര​യാ​ന്‍റ് ശി​ൽ​പം മോഷ്‌ടിച്ചത്.

ശില്‍പം കൈക്കലാക്കിയ ബ്രയാന്റ് ഫേസ്‌ബുക്ക് ലൈവില്‍ എത്തുകയും സന്തോഷം പങ്കുവയ്‌ക്കുകയും ചെയ്‌തു. തുടര്‍ന്ന് പു​ര​സ്കാ​ര ജേ​താ​ക്കള്‍ എല്ലാവരും ചേര്‍ന്നുള്ള ഫോട്ടോ സെക്ഷനിലും ഇയാള്‍ പോസ് ചെയ്‌തു.

ബ്രയാന്റെ പെരുമാറ്റത്തില്‍ സംശയം തോന്നിയ ഫോട്ടോഗ്രാഫര്‍ വിവരം അധികൃതരെ അറിയിച്ചതോടെയാണ് മോഷണവിവരം പുറത്തായത്. ഇയാളെ ലോ​സ് ആ​ഞ്ച​ല​സ് പൊലീസിന് കൈമാറിയ അധികൃതര്‍ രേഖാമൂലം പരാതി നല്‍കുകയും ചെയ്‌തു.

അ​റ​സ്റ്റ് രേഖപ്പെടുത്തിയ ശേഷം  20,000 ഡോ​ള​ർ കെ​ട്ടി​വ​ച്ച ശേ​ഷം ബ്രയാന് ജാ​മ്യം അനുവദിച്ചു. അ​ടു​ത്ത ദി​വ​സം കോ​ട​തി​യി​ൽ ഹാ​ജ​രാ​കാ​നും പൊലീസ് നി​ർ​ദേ​ശിച്ചു.