പ്രിയ സഹോദരൻ, തുർക്കി പ്രസിഡൻ്റിന് നന്ദി അറിയിച്ച് പാക് പ്രധാനമന്ത്രി,പാകിസ്ഥാൻ- തുർക്കി ബന്ധം നീണാൾ വാഴട്ടെ എന്ന് എക്സിൽ പോസ്റ്റ്
ഹല്‍ഗാമിലെ ഭീകരാക്രമണത്തിനെ തുടര്‍ന്നുണ്ടായ ഇന്ത്യന്‍ സൈനിക നടപടിയില്‍ ശക്തമായ പിന്തുണയാണ് തുര്‍ക്കി നല്‍കിയത്.
Pakistan PM shehbaz sharif thanks Erdogan for Turkey support
ഇന്ത്യക്കെതിരെ പാകിസ്ഥാന്‍ ഭീകരര്‍ നടത്തിയ ഭീകരാക്രമണത്തിനെ തുടര്‍ന്നുണ്ടായ സംഘര്‍ഷത്തില്‍ തങ്ങള്‍ക്കൊപ്പം നിന്ന തുര്‍ക്കിക്ക് നന്ദി അറിയിച്ച് പാകിസ്ഥാന്‍ പ്രധാനമന്ത്രി ഷെഹ്ബാസ് ഷെരീഫ്. പഹല്‍ഗാമിലെ ഭീകരാക്രമണത്തിനെ തുടര്‍ന്നുണ്ടായ ഇന്ത്യന്‍ സൈനിക നടപടിയില്‍ ശക്തമായ പിന്തുണയാണ് തുര്‍ക്കി നല്‍കിയത്. ആയുധങ്ങള്‍ അടക്കം തന്ന് തങ്ങളെ സഹായിച്ചതിന്റെ നന്ദിയാണ് ഇരു രാജ്യങ്ങളും തമ്മില്‍ ഇസ്താംബൂളില്‍ വെച്ച് നടന്ന കൂടിക്കാഴ്ചയില്‍ ഷെഹ്ബാസ് ഷെരീഫ് തുര്‍ക്കി പ്രസിഡന്റായ രജത് തയ്യിബ് ഉര്‍ദോഗനെ അറിയിച്ചത്.
പ്രിയ സഹോദരന്‍ എന്നാണ് കൂടിക്കാഴ്ചയില്‍ ഇരുവരും പരസ്പരം അഭിസംബോധന ചെയ്തത്. ഇരു രാജ്യങ്ങളും തമ്മിലുള്ള സാഹോദര്യത്തിന്റെയും സഹകരണത്തിന്റെയും അചഞ്ചലമായ ബന്ധങ്ങള്‍ കൂടുതല്‍ ശക്തിപ്പെടുത്തുമെന്ന് പറഞ്ഞ പാക് പ്രധാനമന്ത്രി പാകിസ്ഥാന്‍- തുര്‍ക്കി സൗഹൃദം നീണാള്‍ വാഴട്ടെയെന്നും എക്‌സില്‍ പങ്കുവെച്ച പോസ്റ്റില്‍ കുറിച്ചു. ഊര്‍ജം, വ്യാപാരം, ഗതാഗതം, പ്രതിരോധം എന്നീ മേഖലകളില്‍ ഇരു രാജ്യങ്ങളും തമ്മിലുള്ള ബന്ധം മെച്ചപ്പെടുത്തുക എന്നതാണ് കൂടിക്കാഴ്ചയുടെ ലക്ഷ്യം.മേഖലയിലെ സ്ഥിരത ഉറപ്പാക്കാന്‍ ഇരു രാജ്യങ്ങളും ഒരുമിച്ച് പ്രവര്‍ത്തിക്കുന്നത് തുടരുമെന്ന് തുര്‍ക്കി പ്രസിഡന്റ് ഉര്‍ദുഗാന്‍ വ്യക്തമാക്കി. പാകിസ്ഥാനുമായുള്ള സംഘര്‍ഷത്തിന്റെ പശ്ചാത്തലത്തില്‍ ഇന്ത്യ- തുര്‍ക്കി ബന്ധം വഷളായ സാഹചര്യത്തില്‍ കൂടിയാണ് പാക് പ്രധാനമന്ത്രിയുടെ കൂടിക്കാഴ്ച.
