ബ്രസീല്‍ ഫുട്‌ബോള്‍ ക്ലബ് കളിക്കാരുമായി പോകുകയായിരുന്ന വിമാനം അപകടത്തില്‍പ്പെട്ടു; അപകടം നടന്നത് കൊളംബിയയില്‍
ബ്രസീല്‍ ഫുട്‌ബോള്‍ ക്ലബ് കളിക്കാര്‍ സഞ്ചരിച്ച വിമാനം അപകടത്തില്‍പ്പെട്ടു
ബ്രസീല്‍ ഫുട്‌ബോള്‍ ക്ലബിലെ കളിക്കാരുമായി പോകുകയായിരുന്ന വിമാനം അപകടത്തില്‍പ്പെട്ടു. കൊളംബിയയിലാണ് അപകടം നടന്നത്. കൊളംബിയന്‍ നഗരമായ മെഡ്‌ലിനിലാണ് അപകടം ഉണ്ടായത്.
എയര്‍ക്രാഫ്‌റ്റ് ലൈസന്‍സ് നമ്പര്‍ CP2933 ആണ് അപകടത്തില്‍പ്പെട്ടത്. വിമാനത്തില്‍ ആകെ 72 യാത്രക്കാര്‍ ആയിരുന്നു ഉണ്ടായിരുന്നത്. ഫ്രഞ്ച് വാര്‍ത്ത ഏജന്‍സിയായ എ എഫ് പി ആണ് വാര്‍ത്ത പുറത്തുവിട്ടത്.
കോപ്പസൂഡാ അമേരിക്ക ടൂര്‍ണമെന്റില്‍ പങ്കെടുക്കാന്‍ പോയ താരങ്ങളാണ് വിമാനത്തില്‍ ഉണ്ടായിരുന്നത്.
ബൊളീവിയയില്‍ നിന്ന് കൊളംബിയയിലേക്ക് പോകുകയായിരുന്നു വിമാനം. ദേശീയ ടീമിലെ അംഗങ്ങളാരും അപകടത്തില്‍പ്പെട്ടിട്ടില്ലെന്നാണ് പ്രാഥമിക റിപ്പോര്‍ട്ടുകള്‍.
