റിയോ: ഇടികൂട്ടിൽ വികാസ് കൃഷ്ണ, ബോക്സിങ്ങിൽ ഇന്ത്യ പ്രീക്വാർട്ടറിൽ
ബോക്‌സിങില്‍ ഇന്ത്യക്ക് വിജയത്തുടക്കം; വികാസ് കൃഷ്ണന്‍ പ്രീക്വാര്‍ട്ടറില്‍
ഇന്ത്യയുടെ പ്രതീക്ഷ കാത്ത് വികാസ് കൃഷ്ണ. ഒളിമ്പിക്സ് ബോക്സിങ്ങിൽ വികാസിലൂടെ ഇന്ത്യക്ക് വിജയ തുടക്കം. പുരുഷന്‍മാരുടെ 75 കിലോഗ്രാം ബോക്‌സിങ്ങിലാണ് അമേരിക്കയുടെ ചാള്‍സ് കോണ്‍വെല്ലിനെ 3-0 ത്തിന് വികാസ് തകർച്ചത്. ഈ വിജയത്തോടെ പ്രീക്വാർട്ടറിലേക്കുള്ള പ്രവേശനവും വികാസ് ഉറപ്പിച്ചു.
തുടക്കം മുതലേ എതിരാളിയെ തറപറ്റിച്ചായിരുന്നു വികാസിന്റെ പ്രകടനം. ആദ്യ റൗണ്ട് നിഷ്പ്രയാസം സ്വന്തമാക്കിയ വികാസ് രണ്ടാം റൗണ്ടില്‍ കൂടുതല്‍ ആക്രമിച്ചു, എന്നാല്‍ മൂന്നാം റൗണ്ടില്‍ പ്രതിരോധത്തിലൂന്നിയ കൗണ്ടര്‍ പഞ്ചുകളിലൂടെ മൂന്നു സെറ്റും വികാസ് നേടിയെടുത്തു. എതിരാളിയെ ക്ഷയിപ്പിക്കുകയായിരുന്നു വികാസ്. ശനിയാഴ്ച നടക്കുന്ന പ്രീക്വാര്‍ട്ടറില്‍ തുര്‍ക്കിയുടെ ഒണ്‍ഡര്‍ സിപലാണ് വികാസിന്റെ എതിരാളി.
