അടുത്ത വെള്ളിയാഴ്ച വരെ മക്ക മേഖലയില്‍ ശക്തമായ മഴയ്ക്ക് സാധ്യതയുണ്ടെന്ന് ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് മുന്നറിയിപ്പ് നല്‍കി. മക്ക , ജിദ്ദ, റാബിഗ്, തായിഫ്, ജാമും, അല്‍-കാമില്‍, ബഹ്‌റ, ഖുലൈസ്, അല്‍-ലൈത്ത്, അല്‍-കുന്‍ഫുദ, അല്‍-അര്‍ദിയാത്ത് പ്രദേശങ്ങളിലും മഴ ഉണ്ടാകുമെന്നും ജനങ്ങള്‍ ശ്രദ്ധയോടെയിരിക്കണമെന്നും മുന്നറിയിപ്പിലുണ്ട്.
മദീന, ബദര്‍, യാന്‍ബു, അല്‍-മഹ്ദ്, വാദി അല്‍-ഫറഉ, ഖൈബര്‍, അല്‍-ഉല, അല്‍-ഹനാകിയ തുടങ്ങിയ പ്രദേശങ്ങളിലും മഴ കനക്കും. റിയാദ് മേഖലയുടെ ഭാഗങ്ങളില്‍ പെട്ട അല്‍-മജ്മഅ, അല്‍-സുല്‍ഫി, അല്‍-ഗാത്ത്, ഷഖ്‌റ, റിമ, അല്‍-ദവാദിമി, അഫീഫ് എന്നീ മേഖലകളിലും മഴ ഉണ്ടാകും.
