Jos Butler: നിങ്ങളുടെ സ്നേഹത്തിന് നന്ദി, എന്നെന്നും ഓർക്കാനുള്ള ഓർമകൾ സമ്മാനിച്ചതിനും, പുറത്താക്കിയതിൽ ആദ്യ പ്രതികരണവുമായി ബട്ട്‌ലർ

Jos butler and family

ഐപിഎല്‍ മെഗാ താരലേലത്തിന് മുന്‍പായി ടീമുകള്‍ നിലനിര്‍ത്തുന്ന താരങ്ങളുടെ പട്ടിക പുറത്തുവന്നപ്പോള്‍ സൂപ്പര്‍ താരമായ ഇംഗ്ലണ്ട് നായകന്‍ ജോസ് ബട്ട്ലറിനെ രാജസ്ഥാന്‍ റോയല്‍സ് പുറത്താക്കിയ തീരുമാനം ആരാധകരെ ഞെട്ടിക്കുന്നതായിരുന്നു. ഇന്ന് നിലവിലുള്ള ലിമിറ്റഡ് ഓവര്‍ ബാറ്റര്‍മാരില്‍ പ്രധാനിയായ ബട്ട്ലറെ കൈവിട്ടത് മണ്ടത്തരമാണെന്നാണ് രാജസ്ഥന്റെ ആരാധകര്‍ പോലും വ്യക്തമാക്കുന്നത്. ഇപ്പോഴിതാ ഈ തീരുമാനം പുറത്ത് വന്നതിന് പിന്നാലെ ആദ്യ പ്രതികരണം നടത്തിയിരിക്കുകയാണ് ഇംഗ്ലണ്ട് സൂപ്പര്‍ താരം.

View this post on Instagram

A post shared by Jos Buttler (@josbuttler)

ഇന്‍സ്റ്റഗ്രാമില്‍ പങ്കുവെച്ച വികാരനിര്‍ഭരമായ കുറിപ്പില്‍ രാജസ്ഥാന്‍ റോയല്‍സിനും ഫ്രാഞ്ചൈസിയുമായി ബന്ധപ്പെട്ട എല്ലാവര്‍ക്കും ബട്ട്ലര്‍ നന്ദി പറയുകയും കഴിഞ്ഞ 7 സീസണുകളിലായി ടീമിനൊപ്പമുള്ള തന്റെ ഓര്‍മകള്‍ പങ്കുവെയ്ക്കുകയും ചെയ്തു. എന്റെ കരിയറിലെ ഏറ്റവും മികച്ച വര്‍ഷങ്ങള്‍ രാജസ്ഥാന്‍ റോയല്‍സിനൊപ്പമായിരിരുന്നു. എന്റെ ഏറ്റവും പ്രിയപ്പെട്ട ഓര്‍മകളെല്ലാം പിങ്ക് ഷര്‍ട്ടിലാണ്. എന്നെയും എന്റെ കുടുംബത്തെയും സ്വീകരിച്ചതിന് നന്ദി ബട്ട്ലര്‍ കുറിച്ചു. അതേസമയം ബട്ട്ലറുടെ പോസ്റ്റിന് രാജസ്ഥാന്‍ റോയല്‍സ് തങ്ങളുടെ ഔദ്യോഗിക പേജിലൂടെ മറുപടി നല്‍കി. റോയല്‍ കുടുംബത്തില്‍ എക്കാലവും നിങ്ങളുണ്ടാകുമെന്നും രാജസ്ഥാന്‍ ജേഴ്‌സിയില്‍ ഏറ്റവും മികച്ച പ്രകടനങ്ങള്‍ നടത്തിയ താരങ്ങളില്‍ ഒരാള്‍ നിങ്ങളാണെന്നും റോയല്‍സ് കുറിച്ചു.