'ആ ബോള്‍ ഞാന്‍ കണ്ടതുപോലുമില്ല'; ഗോള്‍ഡന്‍ ഡക്കായ ബോള്‍ട്ടിന്റെ പന്തിനെ കുറിച്ച് കെ.എല്‍.രാഹുല്‍

രാജസ്ഥാന്‍ റോയല്‍സിനെതിരായ മത്സരത്തില്‍ ആദ്യ പന്തില്‍ തന്നെ പുറത്താകുകയായിരുന്നു ലഖ്‌നൗ സൂപ്പര്‍ ജയന്റ്‌സ് നായകന്‍ കെ.എല്‍.രാഹുല്‍. ട്രെന്റ് ബോള്‍ട്ടാണ് രാഹുലിനെ ക്ലീന്‍ ബൗള്‍ഡ് ആക്കിയത്. ബോള്‍ട്ടിന്റെ പന്ത് താന്‍ കാണുക പോലും ചെയ്തില്ലെന്ന് മത്സരശേഷം രാഹുല്‍ പറഞ്ഞു. പന്ത് കണ്ടിരുന്നെങ്കില്‍ മറ്റെന്തെങ്കിലും ചെയ്യാന്‍ ശ്രമിക്കുമായിരുന്നെന്നും രാഹുല്‍ പറഞ്ഞു.