Rishabh Pant: 27 കോടി വാങ്ങിയതല്ലേ തട്ടി മുട്ടി ഒരു ഫിഫ്റ്റി അടിച്ചു; ടീമും തോറ്റു !

ഈ സീസണില്‍ ആദ്യത്തെ അര്‍ധ സെഞ്ചുറി നേടിയ നായകന്‍ റിഷഭ് പന്താണ് ലഖ്‌നൗവിന്റെ ടോപ് സ്‌കോറര്‍

രേണുക വേണു
ചൊവ്വ, 15 ഏപ്രില്‍ 2025 (10:06 IST)
Rishabh Pant

Rishabh Pant: ചെന്നൈ സൂപ്പര്‍ കിങ്‌സിനെതിരായ മത്സരത്തില്‍ തോല്‍ക്കാന്‍ കാരണം നായകന്‍ റിഷഭ് പന്തിന്റെ 'സെന്‍സിബിള്‍' ഇന്നിങ്‌സ് ആണെന്ന് ലഖ്‌നൗ സൂപ്പര്‍ ജയന്റ്‌സ് ആരാധകര്‍. ഇന്നലെ ലഖ്‌നൗവില്‍ നടന്ന മത്സരത്തില്‍ ആദ്യം ബാറ്റ് ചെയ്ത ആതിഥേയര്‍ നിശ്ചിത 20 ഓവറില്‍ ഏഴ് വിക്കറ്റ് നഷ്ടത്തില്‍ 166 റണ്‍സാണ് നേടിയത്. മറുപടി ബാറ്റിങ്ങില്‍ 19.3 ഓവറില്‍ അഞ്ച് വിക്കറ്റ് ശേഷിക്കെ ചെന്നൈ ലക്ഷ്യം കണ്ടു. 
 
ഈ സീസണില്‍ ആദ്യത്തെ അര്‍ധ സെഞ്ചുറി നേടിയ നായകന്‍ റിഷഭ് പന്താണ് ലഖ്‌നൗവിന്റെ ടോപ് സ്‌കോറര്‍. എന്നാല്‍ ഈ ഇന്നിങ്‌സ് തന്നെയാണ് ലഖ്‌നൗവിന്റെ തോല്‍വിയില്‍ പ്രധാന പങ്കുവഹിച്ചത്. 49 പന്തുകള്‍ നേരിട്ട ലഖ്‌നൗ നായകന്‍ നാല് ഫോറും നാല് സിക്‌സും സഹിതം 63 റണ്‍സാണെടുത്തത്. സ്‌ട്രൈക് റേറ്റ് വെറും 128.57. റിഷഭ് പന്തിനു ശേഷം ഇറങ്ങിയ ആയുഷ് ബദോനിയും അബ്ദുള്‍ സമദും ഇതിനേക്കാള്‍ മികച്ച സ്‌ട്രൈക് റേറ്റിലാണ് ബാറ്റ് ചെയ്തത്. 
 
ഇന്നലെത്തെ മത്സരത്തില്‍ 26 പന്തില്‍ 45 റണ്‍സാണ് റിഷഭ് പന്ത് പേസ് ബൗളിങ്ങിനെതിരെ സ്‌കോര്‍ ചെയ്തത്. എന്നാല്‍ സ്പിന്നിനെതിരെ 23 പന്തുകളില്‍ 18 റണ്‍സ് മാത്രം. ചെന്നൈ ബൗളര്‍ നൂര്‍ അഹമ്മദിന്റെ പത്ത് ബോളുകള്‍ റിഷഭ് പന്ത് ഡോട്ട് (റണ്‍സില്ല) ആക്കി. 2024 മുതല്‍ സ്പിന്നിനെതിരെ റിഷഭ് പന്തിന്റെ പ്രകടനം ദയനീയമാണ്. ട്വന്റി 20 ഫോര്‍മാറ്റില്‍ 2024 മുതല്‍ സ്പിന്നര്‍മാരുടെ 236 പന്തുകളാണ് റിഷഭ് പന്ത് നേരിട്ടിരിക്കുന്നത്. ഇതില്‍ നിന്ന് 113.13 സ്‌ട്രൈക് റേറ്റില്‍ സ്‌കോര്‍ ചെയ്യാന്‍ സാധിച്ചിരിക്കുന്നത് വെറും 267 റണ്‍സ് മാത്രം. 
 
ഈ സീസണില്‍ ഏഴ് മത്സരങ്ങളില്‍ നിന്ന് 17.17 ശരാശരിയില്‍ റിഷഭ് പന്ത് ലഖ്‌നൗവിനായി നേടിയിരിക്കുന്നത് വെറും 103 റണ്‍സ് മാത്രം. സ്‌ട്രൈക് റേറ്റ് 104.04 ആണ്. ചെന്നൈയ്‌ക്കെതിരെ ഇന്നലെ നേടിയ 63 ആണ് ഉയര്‍ന്ന സ്‌കോര്‍. 

അനുബന്ധ വാര്‍ത്തകള്‍

വായിക്കുക

സുഹൃത്തെന്നാൽ ഇങ്ങനെ വേണം, മോശം സമയത്ത് സ്മൃതിക്കൊപ്പം നിൽക്കണം, ബിബിഎൽ കളിക്കാനില്ലെന്ന് ജെമീമ റോഡ്രിഗസ്

WTC : ഇന്ത്യയ്ക്കിനി ബാക്കിയുള്ളത് 9 ടെസ്റ്റുകൾ, ലോക ടെസ്റ്റ് ചാമ്പ്യൻഷിപ്പ് ഫൈനലിലെത്തുമോ?, സാധ്യതകൾ എന്തെല്ലാം

Gautam Gambhir: ഗംഭീര്‍ തുടരട്ടെ, മാറ്റാനൊന്നും പ്ലാനില്ല; രണ്ടുംകല്‍പ്പിച്ച് ബിസിസിഐ

WPL 2026: ദീപ്തി ശർമയും ലോറ വോൾവാർഡും താരലേലത്തിൽ, അവസരം കാത്ത് 7 മലയാളി താരങ്ങൾ, വനിതാ പ്രീമിയർ ലീഗ് താരലേലം ഇന്ന്

ഹർമൻ പ്രീതില്ല, ക്യാപ്റ്റനായി ലോറ വോൾവാർഡ്, വനിതാ ഏകദിന ലോകകപ്പ് ടീമിനെ പ്രഖ്യാപിച്ച് ഐസിസി

എല്ലാം കാണുക

ഏറ്റവും പുതിയത്

അഭിഷേകിന് 32 പന്തിൽ സെഞ്ചുറി, 51 പന്തിൽ അടിച്ചെടുത്തത് 148 റൺസ്!, മുഷ്താഖ് അലി ട്രോഫിയിൽ പഞ്ചാബ് അടിച്ചെടുത്തത് 310 റൺസ്

രോഹിത്തും കോലിയും ലോകകപ്പിൽ കളിക്കണം, പിന്തുണയുമായി മോർണെ മോർക്കൽ

അഭ്യൂഹങ്ങൾക്ക് ചെവി കൊടുക്കണ്ട, കളിയിൽ മാത്രം ശ്രദ്ധിക്കുവെന്ന് രോഹിത്തിനോട് ബിസിസിഐ

ഇന്ത്യ-ശ്രീലങ്ക വനിതാ ടി20 പരമ്പര: മൂന്ന് മത്സരങ്ങള്‍ക്ക് തിരുവനന്തപുരം വേദിയാകും

Ayush Mhatre: അണ്ടര്‍ 19 ഏഷ്യ കപ്പില്‍ ഇന്ത്യയെ നയിക്കാന്‍ ആയുഷ്

അടുത്ത ലേഖനം
Show comments