Publish Date: Sat, 14 Aug 2021 (16:44 IST)
Updated Date: Sat, 14 Aug 2021 (16:55 IST)
ഐപിഎല്ലിലെ ശേഷിക്കുന്ന മത്സരങ്ങള് കളിക്കാന് യുഎഇയിലെത്തുന്ന ടീമുകള്ക്ക് കര്ശന നിയന്ത്രണങ്ങള് ഏര്പ്പെടുത്തി അബുദാബി ആരോഗ്യവകുപ്പ്. മുംബൈ ഇന്ത്യന്സ് താരങ്ങള്ക്ക് ജിപിഎസ് സൗകര്യമുള്ള വാച്ച് നല്കി. ടീം ഹോട്ടലില് ആറ് ദിവസത്തെ ക്വാറന്റൈന് താരങ്ങള് പൂര്ത്തിയാക്കണം. ഈ കാലയളവില് താരങ്ങള്ക്ക് പുറത്ത് പോകാന് വിലക്കുണ്ട്. താരങ്ങളുടെ നീക്കങ്ങള് ശ്രദ്ധിക്കാനാണ് ജിപിഎസ് സൗകര്യമുള്ള വാച്ചുകള് നല്കിയിരിക്കുന്നത്. ഹോട്ടല് ക്വാറന്റൈന് കാലയളവില് താരങ്ങള് നിര്ബന്ധമായും ഈ വാച്ച് ധരിച്ചിരിക്കണം. അബുദാബിയിലെത്തിയ താരങ്ങള്ക്ക് വിമാനത്താവളത്തില്വച്ച് കോവിഡ് ടെസ്റ്റ് നടത്തിയിരുന്നു. ദുബായില് ക്വാറന്റൈനില് കഴിയുന്ന ചെന്നൈ സൂപ്പര് കിങ്സ് താരങ്ങള്ക്ക് ജിപിഎസ് വാച്ച് നല്കിയിരുന്നില്ല.
