Rishi Sunak: പ്രധാനമന്ത്രിയൊക്കെ അങ്ങ് യു കെയിൽ, ഇവിടെ ആർസിബി ഫാൻ, വൈറലായി റിഷി സുനക്കിൻ്റെ ചിത്രങ്ങൾ, ഗ്ലോബൽ ബ്രാൻഡെന്ന് ആരാധകർ

ആര്‍സിബിയുടെ വിജയം മതിമറന്ന് ആഘോഷിക്കുന്ന സുനക്കിന്റെ ചിത്രങ്ങളും വീഡിയോകളും സമൂഹമാധ്യമങ്ങളില്‍ വൈറലായിരുന്നു.

ഐപിഎല്ലില്‍ ഇതുവരെയും കിരീടനേട്ടങ്ങളൊന്നും കൂടെനിന്നിരുന്നില്ലെങ്കിലും ഏറ്റവും ആരാധകരുള്ളതും ലാഭകരമായ ഫ്രാഞ്ചൈസിയും എല്ലാകാലവും ആര്‍സിബിയായിരുന്നു. വിരാട് കോലി എന്ന ബ്രാന്‍ഡിന് ലോകമെങ്ങുമുള്ള ആരാധകരാണ് ഇതിന് കാരണം. ഹാരി കെയ്‌നും ഉസൈന്‍ ബോള്‍ട്ടുമെല്ലാം ഉള്‍പ്പെടുന്ന ഈ ആരാധകരിലേക്കുള്ള പുതിയ എന്‍ട്രിയാണ് മുന്‍ യുകെ പ്രധാനമന്ത്രിയായ റിഷി സുനക്. അഹമ്മദാബാദില്‍ നടന്ന പഞ്ചാബ്- ആര്‍സിബി പോരാട്ടത്തില്‍ ഗാലറിയില്‍ ഏറ്റവുമധികം ശ്രദ്ധിക്കപ്പെട്ടതും റിഷി സുനക്കിന്റെ സാന്നിധ്യമായിരുന്നു. ആര്‍സിബിയുടെ വിജയം മതിമറന്ന് ആഘോഷിക്കുന്ന സുനക്കിന്റെ ചിത്രങ്ങളും വീഡിയോകളും സമൂഹമാധ്യമങ്ങളില്‍ വൈറലായിരുന്നു.