Sunil Narine: സഞ്ജു ഒന്ന് മാറി നിൽക്കണം, ഓറഞ്ച് ക്യാപ് പോരാട്ടത്തിൽ മാസ് എൻട്രി നടത്തി സുനിൽ നരെയ്ൻ, ലിസ്റ്റിൽ ബട്ട്‌ലർ എട്ടാമത്

Sunil Narine,KKR

ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സിനെതിരെ നേടിയ സെഞ്ചുറിപ്രകടനത്തോടെ റണ്‍വേട്ടക്കാരുടെ പട്ടികയില്‍ മുന്നേറ്റം നടത്തിയിരിക്കുകയാണ് കൊല്‍ക്കത്ത താരമായ സുനില്‍ നരെയ്ന്‍. കൊല്‍ക്കത്തയുടെ പ്രധാനബൗളര്‍മാരില്‍ ഒരാളായ നരെയ്ന്‍ ഓപ്പണിങ്ങില്‍ അത്ഭുതങ്ങളാണ് ഈ സീസണില്‍ കാണിക്കുന്നത്. ഇന്നലെ രാജസ്ഥാന്‍ റോയല്‍സിനെതിരെ നേടിയ സെഞ്ചുറി പ്രകടനത്തോടെ 276 റണ്‍സുമായി ഓറഞ്ച് ക്യാപ് പോരാട്ടത്തില്‍ മൂന്നാം സ്ഥാനത്താണ് താരം. രാജാസ്ഥാനെതിരെ 109 റണ്‍സാണ് താരം നേടിയത്. 276 റണ്‍സുമായി മലയാളി താരമായ സഞ്ജു സാംസണാണ് നരെയ്‌നൊപ്പമുള്ളത്.

അതേസമയം കൊല്‍ക്കത്തക്കെതിരെ സെഞ്ചുറിയുമായി രാജസ്ഥാന് വിജയം നേടികൊടുത്ത ഓപ്പണര്‍ ജോസ് ബട്ട്‌ലര്‍ പട്ടികയില്‍ എട്ടാം സ്ഥാനത്താണ്. സീസണില്‍ 2 സെഞ്ചുറിയടക്കം 250 റണ്‍സാണ് ബട്ട്‌ലര്‍ നേടിയിട്ടുള്ളത്. ഇന്നലെ 60 പന്തില്‍ 107 റണ്‍സുമായി രാജസ്ഥാനെ വിജയത്തിലെത്തിച്ചത് ബട്ട്‌ലറുടെ പ്രകടനമായിരുന്നു. 7 മത്സരങ്ങളില്‍ നിന്നും 361 റണ്‍സുമായി ആര്‍സിബി താരമായ വിരാട് കോലിയാണ് പട്ടികയില്‍ ഒന്നാം സ്ഥാനത്ത്. 318 റണ്‍സുമായി രാജസ്ഥാന്റെ റിയാന്‍ പരാഗ് പട്ടികയില്‍ രണ്ടാം സ്ഥാനത്താണ്. കൊല്‍ക്കത്തക്കെതിരെ 34 റണ്‍സായിരുന്നു താരം നേടിയത്. 261 റണ്‍സുമായി മുംബൈ താരം രോഹിത് ശര്‍മയാണ് പട്ടികയില്‍ ആറാം സ്ഥാനത്ത്.