സെല്‍ഫിയെടുത്ത് പാസ്‌വേഡാക്കൂ! പുതിയ ആന്‍ഡ്രോയിഡ് ആപ്പുമായി ഇന്റര്‍നെറ്റ് ഭീമന്‍മാരായ ആലിബാബ
ഫോണിന് കൂടുതല്‍ സുരക്ഷിതത്വം സമ്മാനിക്കുന്ന അപ്ലിക്കേഷനുമായി ചൈനീസ് മൊബൈല്‍ ഇന്റര്‍നെറ്റ് ഭീമന്‍മാരായ ആലിബാബ
സ്മാര്‍ട്ട്‌ഫോണ്‍ ഉപയോക്താക്കള്‍ക്ക് ഒരു സന്തോഷവാര്‍ത്ത. നിങ്ങളുടെ ഫോണിന് കൂടുതല്‍ സുരക്ഷിതത്വം സമ്മാനിക്കുന്ന അപ്ലിക്കേഷനുമായി ചൈനീസ് മൊബൈല്‍ ഇന്റര്‍നെറ്റ് ഭീമന്‍മാരായ ആലിബാബ രംഗത്ത്. സ്വന്തം സെല്‍ഫി തന്നെ പാസ്‌വേഡാക്കി ഉപയോഗിക്കാന്‍ കഴിയുന്നതാണ് പുതിയ ആപ്പ്.
പ്രൈവസി നൈറ്റ് എന്ന പേരിലുള്ള ഈ ആപ്പില്‍ ഇതിനു സഹായിക്കുന്ന ഫെയ്‌സ്‌ലോക്ക് എന്ന ഫീച്ചറാണ് ഉള്ളത്.
ഏറ്റവും കൃത്യതയോടേയും വേഗത്തിലും ഒരൊറ്റ സെല്‍ഫികൊണ്ട് പൂട്ടിവെച്ചിരിക്കുന്ന ആപ്പുകള്‍ അണ്‍ലോക്ക് ചെയ്യാന്‍ സാധിക്കുമെന്ന് ആലിബാബ വ്യക്തമാക്കി.
ആന്‍ഡ്രോയിഡ് ഉപയോക്താക്കള്‍ക്ക് മാത്രമായിരിക്കും ആദ്യഘട്ടത്തില്‍ ഈ ആപ്പ് ലഭ്യമാകുക.
ലോകത്തിലെ തന്നെ ഏറ്റവും മികച്ച ഫെയ്‌സ് റെക്കഗ്നിഷ്യന്‍ സാങ്കേതിക വിദ്യയാണ് ഈ ആപ്പില്‍ ഉള്‍പ്പെടുത്തിയതെന്ന് ആലിബാബ അവകാശപ്പെടുന്നു.
വ്യക്തിഗത വിവരങ്ങളൊന്നും നല്‍കാതെതന്നെ ഈ ആപ്പ് ഉപയോക്താക്കള്‍ക്ക് ഉപയോഗിക്കാന്‍ സാധിക്കും. ഓഫ്‌ലൈനിലും ഫെയ്‌സ് ലോക്ക് ആക്‌സസ് ചെയ്യാന്‍ കഴിയുമെന്നതാണ് ഇതിന്റെ മറ്റൊരു പ്രധാന ഗുണം. ക്ലീന്‍, തീം, ഇന്‍ട്രൂഡര്‍ സെല്‍ഫി തുടങ്ങിയ അനേകം ഫീച്ചറുകളും ഈ ആപ്പിലുണ്ട്.
