ഓഫ്‌ലൈനായി എണ്ണമില്ലാത്ത ഇഷ്ടഗാനങ്ങൾ കേൾക്കാൻ ഉപയോക്താക്കൾക്ക് അവസരമൊരുക്കി ആമസോൺ. ഇതിനായി പുത്തൻ ആപ്പ് ആമസോൺ രംഗത്തിറക്കി. ആൻഡ്രോയിഡ് ടി വി പ്ലാറ്റ്ഫോമുകളിലേക്കുള്ള പ്രത്യേക മ്യൂസിക് ആപ്പാണ് ആമസോൺ പുറത്തിറക്കിയിരിക്കുന്നത്.
ആമസോൺ പ്രൈം മെമ്പർഷിപ്പ് ഉള്ളവർക്കാണ് ആപ്പിലൂടെ ഗാനങ്ങൾ കേൾക്കാനാവുക. തിരഞ്ഞെടുത്ത 5 കോടിയോളം പാട്ടുകൾ ഉപയോക്താക്കൾക്ക് ആസ്വദിക്കാനാകും. പരസ്യങ്ങൾ ഏതുമില്ലാതെ ഹൈ ഡെഫനിഷൻ പാട്ടുകൾ ആസ്വദിക്കാനാകും എന്നതാണ് പുതിയ മ്യൂസിക് ആപ്പിന്റെ ഏറ്റവും വലിയ പ്രത്യേകത.
