നീണ്ട 25 വർഷങ്ങൾക്കൊടുവിൽ വിൻഡോസ് ഇന്റർനെറ്റ് എക്സ്പ്ലോററെ ഒഴിവാക്കുന്നു. കുറച്ച് നാളുകളായി എക്സ്പ്ലോറർ ബ്രൗസറായി ഉപയോഗിക്കുന്ന ഉപഭോക്താക്കൾ തീരെ കുറവാണ്. ഗൂഗിൾ ക്രോം, മോസില്ല അടക്കമുള്ള ബ്രൗസറുകളാണ് ആളുകൾ ഉപയോഗിക്കുന്നത്. ഈ സാഹചര്യത്തിലാണ് മൈക്രോസോഫ്റ്റിന്റെ തീരുമാനം.
യൂസർമാർക്ക് അപ്ഡേറ്റിലൂടെ ഇനിമുതൽ എഡ്ജ് ബ്രൗസറാണ് ലഭ്യമാവുക. അടുത്ത വർഷം ജൂൺ 22 മുതൽ പൂർണമായും എക്സ്പ്ലോറർ വിൻഡോസിൽ നിന്നും ഒഴിവാക്കും. ഒരു വർഷം മുൻപ് തന്നെ എക്സ്പ്ലോറർ നീക്കം ചെയ്യുന്നത് സംബന്ധിച്ച് മൈക്രോസോഫ്റ്റ് സൂചന നൽകിയിരുന്നു.
മൈക്രോസോഫ്റ്റ് കമ്പനി 1995 ഓഗസ്റ്റിലാണ് ഇൻറർനെറ്റ് എക്സ്പ്ലോററെ ആദ്യം പുറത്തിറക്കിയത്. 2002-2003 വരെ ഏതാണ്ട് 95% കമ്പ്യൂട്ടറുകളിലും ബ്രൗസറുകളായി ഉപയോഗിച്ചിരുന്നത് ഇന്റര്‍നെറ്റ് എക്സ്പ്ലോറര്‍ ആയിരുന്നു.
